Argimiro Marnotes Rodríguez
Argimiro Marnotes Rodríguez, nado en Lobás (O Carballiño) é un empresario e político galego.
| Argimiro Marnotes Rodríguez | |
|---|---|
| Nacemento | século XX |
| Lugar de nacemento | Lobás |
| Nacionalidade | España |
| Ocupación | político e empresario |
| Fillos | Argimiro Marnotes Fernández |
| [ editar datos en Wikidata ] | |
Traxectoria Editar
Emigrou a Arxentina, e ao retornar converteuse en pequeno empresario do metal. Entrou no Concello do Carballiño como concelleiro en 1972 polo terzo sindical, sendo nomeado alcalde en 1977. Nas primeiras eleccións democráticas encabezou a candidatura da UCD á alcaldía do Carballiño e foi elixido alcalde, revalidando o cargo nas eleccións municipais de 1983, en que encabezou a candidatura de Coalición Galega. Nas municipais de 1987 encabezou a candidatura da Coalición Progresista Galega e foi elixido alcalde outra vez. Logo seguiu de concelleiro ata 1999, primeiro no grupo de goberno e despois, dende 1995, na oposición.
| Predecesor: Javier Perea Rodríguez |
 Alcalde do Carballiño 1977 - 1991 |
Sucesor: José Luis García Rodríguez |
É pai do tamén político Argimiro Marnotes Fernández.
Véxase tamén Editar
Outros artigos Editar
Ligazóns externas Editar
- "Paixón pola política local", artigo en La Voz de Galicia, 29 de xuño de 2008.