Antonio Chaves del Río
Antonio Chaves del Río, nado en Cambados o 17 de setembro de 1886 e finado en Vilaboa o 28 de decembro de 1936, foi un sindicalista galego.
| Biografía | |
|---|---|
| Nacemento | 17 de setembro de 1886  Cambados, España |
| Morte | 28 de decembro de 1936 (50 anos) Vilaboa, España |
| Causa da morte | paseo, ferida por arma de fogo |
| Actividade | |
| Ocupación | sindicalista, pescador |
| Membro de | |
Traxectoria
editarMariñeiro. Era presidente do Sindicato de Industrias Pesqueiras y Oficios Varios (CNT). Foi Patrón Maior do Pósito de Cambados. Co golpe de Estado do 18 de xullo de 1936 foi detido. O 24 de setembro foi posto a disposición do comandante militar de Pontevedra polo delegado de Orden Público xunto a Elías Porto Trigo e José Manuel Silva Losada, detidos no cárcere de Cambados. Xulgado en Consello de guerra o 10 de decembro de 1936, con José Manuel Silva Losada, Peregrino Pontevedra González, Juan José Varela Oubiña, Manuel Bugallo Martínez e Manuel Martínez Piñeiro,[1] foi condenado por rebelión militar a unha pena de reclusión perpetua coa accesoria de interdición e inhabilitación absoluta perpetua. O 28 de decembro de 1936 aplicáronlle a lei de fugas en Vilaboa co pretexto dun traslado dende a illa de San Simón ao cárcere de Pontevedra.[2]
Notas
editar- ↑ El Pueblo Gallego, 11-12-1936, p. 9.
- ↑ Xosé Álvarez Castro (31 de marzo de 2013). "O dereito a saber. Antonio Chaves del Río". Pontevedra nos anos do medo.