Annemarie Moser-Pröll
Annemarie Moser-Pröll, nada en Kleinar (Salzburgo) o 27 de marzo de 1953 é unha ex-esquiadora austríaca. Foi a esquiadora alpina de máis éxito na década de 1970, con seis títulos xerais, incluídos cinco consecutivos. Moser-Pröll logrou os seus maiores triunfos en descenso, slálom xigante e cominada. En 1980, o último ano que competiu, obtivo a súa terceira medalla olímpica, primeira de ouro e gañou cinco carreiras da Copa do Mundo.
![]() ![]() | |
Biografía | |
---|---|
Nacemento | 27 de marzo de 1953 ![]() Kleinarl, Austria (pt) ![]() ![]() |
Datos persoais | |
País de nacionalidade | Austria ![]() |
Actividade | |
Ocupación | esquiadora alpina ![]() |
Lingua | Lingua alemá ![]() |
Deporte | esquí alpino ![]() |
Participou en | |
1980 | alpine skiing at the 1980 Winter Olympics – women's downhill (en) ![]() |
8 de febreiro de 1972 | alpine skiing at the 1972 Winter Olympics – women's giant slalom (en) ![]() |
1972 | alpine skiing at the 1972 Winter Olympics – women's downhill (en) ![]() ![]() |
Premios | |
Páxina web | annemarie-moser-proell.at ![]() |
![]() ![]() ![]() ![]() |
Traxectoria
editarDurante a súa carreira, Moser-Pröll gañou a Copa do Mundo en seis ocasións, incluíndo cinco consecutivas (1971-75). Logrou 62 vitorias na Copa do Mundo, segunda muller en número de vitorias tras Lindsey Vonn. Aínda así, continúa a ser a mellor muller en porcentaxe de vitorias xa que nesa época disputábanse poucas carreiras. Gañou cinco títulos de campionato do mundo (3 en descenso e 2 en combinada) e unha medalla de ouro olímpica. Entre 1973 e 1974 gañou once carreiras de descenso consecutivas.
O camiño á súa primeira e única medalla olímpica de ouro foi longo: nos Xogos Olímpicos de 1972 en Sapporo, estaba considerada a favorita en descenso e slálom xigante, mais nas dúas modalidades acabou segunda detrás da suíza Marie-Theres Nadig. Tras obter o seu quinto título mundial consecutivo, interrompeu a súa carreira para coidar o seu pai, enfermo de cancro de pulmón, perdendo a tempada completa da Copa do Mundo e os Xogos Olímpicos de 1976, que tiñan lugar no seu país, en Innsbruck.[1] Trala morte do seu pai en xuño de 1976, volveu ao esquí competitivo de novo entre as mellores, finalizando segunda na Copa do Mundo en 1977 e 1978 e gañando a de 1979. Nos Xogos Olímpicos de 1980 en Lake Placid, conseguiu finalmente a medalla de ouro en descenso, coa súa rival de 1972 Marie-Theres de novo no podio, tras obter a medalla de bronce.[2]
Varias semanas despois dos Xogos Olímpicos de 1980, retirouse do esquí competitivo e montou o seu propio café, "Weltcup-Café Annemarie" en Kleinarl, que decorou coa súa extensa colección de copas e trofeos.[1] En 2008, meses despois da morte do seu home, retirouse do negocio e vendeu o establecemento a investidores locais, que o mantiveron co nome de "Café-Restaurant Olympia."
Vida privada
editarA súa irmá máis nova, Cornelia Pröll, tamén foi esquiadora olímpica.[1]
Casou con Herbert Moser en 1974 e a súa filla Marion naceu en 1982.
Resultados da copa do mundo
editarTempada | Idade | Resultado | Slálom | Xigante Slálom |
Super Xigante | Descenso | Combinada |
---|---|---|---|---|---|---|---|
1969 | 15 | 16 | 15 | — | A primeira WC SG feminina tivo lugar en xaneiro de 1983 |
5 | Oficialmente só se disputou en 1976 e 1980 |
1970 | 16 | 6 | 14 | 3 | 8 | ||
1971 | 17 | 1 | 3 | 1 | 1 | ||
1972 | 18 | 1 | 9 | 1 | 1 | ||
1973 | 19 | 1 | 18 | 2 | 1 | ||
1974 | 20 | 1 | 5 | 7 | 1 | ||
1975 | 21 | 1 | 4 | 1 | 1 | ||
1976 | 22 | non participou | |||||
1977 | 23 | 2 | 11 | 3 | 2 | ||
1978 | 24 | 2 | 8 | 5 | 1 | ||
1979 | 25 | 1 | 2 | 12 | 1 | ||
1980 | 26 | 2 | 3 | 7 | 2 | 2 |
Notas
editar- ↑ 1,0 1,1 1,2 "Sports Reference / Biography Annemarie Moser-Pröll". Arquivado dende o orixinal o 17 de abril de 2020. Consultado o 19 de decembro de 2014.
- ↑ "Sports Reference / Olympic Sports". Arquivado dende o orixinal o 18 de abril de 2020. Consultado o 19 de decembro de 2014.
Véxase tamén
editarWikimedia Commons ten máis contidos multimedia na categoría: Annemarie Moser-Pröll |
A Galipedia ten un portal sobre: Austria |
Ligazóns externas
editar- FIS-ski.com – World Cup season standings – Annemarie Moser-Pröll – 1969–80
- Ski-db.com – resultados – Annemarie Moser-Pröll
- Annemarie-Mose-Proell.at – páxina persoal (en alemán)