Andrea Andrés Sánchez

benefactora española

Andrea Andrés Sánchez, nada en Madrid o 15 de xaneiro de 1835 e finada ibídem o 13 de xullo de 1909,[1] foi unha benefactora do concello de Sarria.

Andrea Andrés Sánchez
Nome completoAndrea Andrés Sánchez
Nacemento15 de xaneiro de 1835
Lugar de nacementoMadrid
Falecemento13 de xullo de 1909
Lugar de falecementoMadrid
NacionalidadeEspaña
CónxuxeMatías López López
editar datos en Wikidata ]

Traxectoria editar

 

Casou co industrial e político sarriao Matías López López. Cumprindo o mandato contido no codicilo polo que don Matías legara a Sarria unhas Escolas Públicas, emprendeu, axudada polas súas fillas e xenros, as xestións conducentes a facer realidade esa filantrópica doazón.

O 2 de setembro de 1896 estivo presente no acto de beizón e entrega das Escolas Públicas ó concello de Sarria, edificio que na actualidade ocupa a Casa da Cultura, para o que fixo aínda maior apartación da sinalada na vontade testamentaria. En 11 de maio de 1905 comprou a leira Cortiña do Mazadoiro para dedicala á dotación dun Hospital, encargando o proxecto a Valentín Roca Carbonell, da Academia de Belas Artes de San Fernando, presupostando para as obras 54.500 pesetas. Dotouno co material máis imprescindible e cun cadro alegórico da caridade.

Baixo o nome de Hospital Municipal da Nosa Señora do Carme, e complementado máis adiante como asilo de anciáns, estivo en funcionamento ata 1980, sendo derrubado e alzada no terreo a residencia de anciáns actual. Recibiu o título de Marquesa de Casa López por concesión pontificia.

Foi nomeada filla adoptiva e predilecta de Sarria, e unha rúa leva o seu nome.

Notas editar