Cacaforra dourada

Amanita gemmata

Reino:	Fungi
División:	Basidiomycota
Clase:	Homobasidiomycetes
Subclase:	Hymenomycete
Orde:	Agaricales
Familia:	Amanitaceae
Xénero:	Amanita
Especie:	A. gemmata

Nome binomial

Amanita gemmata
(Fr.) Bertill. (1866)

Sinonimia

Lista

Agaricus gemmatus Fr. (1838)
Agaricus adnatus W.G.Sm. (1870)
Amanita gemmata (Fr.) Gillet (1874)
Amanita junquillea Quél. (1876)
Amanita gemmata f. amici Gillet (1884)
Amanita muscaria var. gemmata (Fr.) Quél. (1886)
Amanitopsis adnata (W.G.Sm.) Sacc. (1887)
Amanitopsis gemmata (Fr.) Sacc. (1887)
Amanita adnata (W.G.Sm.) Sacc. (1925)
Amanita junquillea var. exannulata J.E.Lange (1935)
Amanitaria gemmata (Fr.) E.-J.Gilbert (1940)
Venenarius gemmatus (Fr.) Murrill (1948)

A cacaforra dourada (Amanita gemmata^[4]) é un cogomelo pequeno e de cor amarelenta. Distintos autores considérano comestible, outros non e para outros mesmo é tóxica^[5]. En calquera caso, e debido á posible confusión con outras especies tóxicas, desaconséllase^{[Cómpre referencia]} a súa recolección.

Descrición editar

Posúen un sombreiro globoso, de 5-10 centímetros de diámetro, que tende a estenderse ó madurar, de cor amarela desde o dourado ata tons moi esvaídos, quedando o centro máis escuro. A cutícula é viscosa, sobre todo nos exemplares novos, e a marxe estriada. Presenta cando nova unhas pequenas placas brancas que desaparecen pronto.

As láminas, desiguais e libres, son brancas e as esporas tamén, dunhas 9-12 por 7-9 micrómetros. Tamén son brancos o pé e o anel, pero este é pouco resistente e desaparece pronto. A base do pé é algo bulbosa, cunha volva branca, adherente e de bordo nítido, pero ás veces queda reducida a copos e fibras soltas na base do pé.

A carne é branca, se ben amarelea baixo a cutícula, de olor imperceptible e sabor agradable.

Hábitat editar

Medra en chans areosos ou calcáreos, en bosques de coníferas. Pode presentarse durante todo o ano, en zonas de invernos suaves.

Diferenciación editar

Pode confundirse coa Amanita citrina, máis esvelta e coa base en forma de maceta, e con exemplares de Amanita phalloides amarelas. Tamén hai rúsulas semellantes, pero estas teñen as láminas iguais e carecen de formacións na base.

Galería de imaxes editar

Amanita gemmata
Amanita gemmata

Notas editar

↑ "Amanita gemmata (Fr.) Bertill. 1866" (en inglés). MycoBank. International Mycological Association. Consultado o 5 de decembro de 2010.
↑ "Amanita gemmata (Fr.) Bertill." (en inglés). Species Fungorum. CAB International. Consultado o 5 de decembro de 2010.
↑ Tulloss, Rodham E. (2010). "Amanita gemmata". Amanitaceae.org – Taxonomy and Morphology of Amanita and Limacella (en inglés). Consultado o 21 de xuño de 2012.
↑ Sinónimos: Amanita junquillea.
↑ "Comestible de buena calidad" (Nonis, 94); "Sospechosa" (García Rolán, 98); "Comestible mediocre. Hai autores que a consideran non comestible e outros como tóxica" (Marcote, 145).

Véxase tamén editar

Bibliografía editar

GARCÍA ROLLÁN, Mariano (1986): Manual para buscar setas. Ministerio de Agricultura, Pesca e Alimentación, Madrid.
MARCOTE, J. M. C., POSE, M., e TRABA, J. M.: Cogomelos de Galicia, Xunta de Galicia, 2009.
NONIS, Umberto (1981): Setas. Descrición, localización, toxicidad y valor culinario. Daimon, Madrid.

Ligazóns externas editar

[urlMycoBank:_Amanita_gemmata-1] "Amanita gemmata (Fr.) Bertill. 1866" (en inglés). MycoBank. International Mycological Association. Consultado o 5 de decembro de 2010.

[urlFungorum_synonymy:_Amanita_gemmata-2] "Amanita gemmata (Fr.) Bertill." (en inglés). Species Fungorum. CAB International. Consultado o 5 de decembro de 2010.

[urlAmanitaceae.org-3] Tulloss, Rodham E. (2010). "Amanita gemmata". Amanitaceae.org – Taxonomy and Morphology of Amanita and Limacella (en inglés). Consultado o 21 de xuño de 2012.

[4] Sinónimos: Amanita junquillea.

[5] "Comestible de buena calidad" (Nonis, 94); "Sospechosa" (García Rolán, 98); "Comestible mediocre. Hai autores que a consideran non comestible e outros como tóxica" (Marcote, 145).

[4]

[5]