Amédée Louis Michel Lepeletier

Amédée Louis Michel Lepeletier, tamén coñecido como Amédée Louis Michel Lepeletier, conde de Saint-Fargeau e Amédée Louis Michel Lepeletier de San Fargeau, e ás veces grafado Amédée Louis Michel Le Peletier, nado en París o 9 de outubro de 1770, e finado en Saint-Germain-en-Laye (Yvelines) o 23 de agosto de 1845, foi un naturalista e zoólogo francés especializado en entomoloxía (especielmente en himenópteros), e un colaborador da Encyclopédie.

Amédée Louis Michel Lepeletier
Nacemento	9 de outubro de 1770
Lugar de nacemento	París
Falecemento	23 de agosto de 1845
Lugar de falecemento	Saint-Germain-en-Laye, Yvelines
Nacionalidade	francesa
Ocupación	entomólogo, zoólogo e enciclopedista
Pai	Michel Etienne Le Peletier de Saint-Fargeau
Nai	Louise Suzanne Le Peletier de Beaupré
Irmáns	Louis-Michel Lepeletier de Saint-Fargeau e Félix Lepeletier
[ editar datos en Wikidata ]

Traxectoria

Era fillo do barón de Péreuse, primeiro presidente do Parlamento de París (institución francesa do Antigo Réxime). O seu irmán máis vello, Louis-Michel Lepeletier, formou parte dos Estados Xerais, e pasou das filas da nobreza ás do terceiro estado e, despois de votar a morte do rei, morreu asasinado. O seu outro irmán, Félix, participou na política tras este suceso. Pero Amédée non seguiu estes exemplos e preferiu dedicarse enteiramente á entomoloxía.

Foi o autor da Histoire naturelle des insectes hyménoptères que apareceu nas Suites à Buffon, cuxo derradeiro volume sería completado por Gaspard Auguste Brullé. Este foi o primeiro estudo xeral deste tipo de insectos ten unha extensión de 2 500 páxinas. Con Jean Guillaume Audinet-Serville asinou os artigos dedicados aos insectos na Encyclopédie.

Lepetelier foi membro fundador da Société entomologique de France, a máis antiga deste tipo no mundo, da que foi o seu arquiveiro en 1832 e o seu presidente o ano seguinte, sucedendo a Audinet-Serville.

Tamén foi membro de varias sociedades científicas, incluíndo a Société linnéenne de París, a Academia de Dijon, a Sociedade de Historia Natural de París, a Sociedade de Historia Natural de Moscova e a Sociedade de Historia Natural de Versalles.

Algunhas obras

• Histoire naturelle des insectes. Hyménoptères, París, Nicolas Roret, 1836-1846.

Textos completos en liña:

• Volume 1
• Volume 2
• Volume 3
• Volume 4

Abreviaturas

• A abreviatura Le Pelet. emprégase pare recoñecer a Amédée Louis Michel Lepeletier como autoridade na descrición e taxonomía en botánica.
• A abreviatura Lepeletier emprégase pare recoñecer a Amédée Louis Michel Lepeletier como autoridade na descrición e taxonomía en zooloxía.