Alexandre I, papa

Santo Alexandre I, de orixe probablemente romana, foi bispo de Roma dende o ano 107 até o 113 ou 115. Foi o sexto papa, se ben este título foi creado moitas décadas despois.

Alexandre I
Alcume	Santo Alexandre
Nacemento	século Ixuliano
Lugar de nacemento	Roma
Falecemento	c. 116
Lugar de falecemento	Roma
Causa	decapitación
Soterrado	Catedral de Frisinga
Relixión	catolicismo
Ocupación	sacerdote católico
Período	entre os anos 107-113 ou 115
Coñecido por	ser o papa n° 6 da igrexa católica
Organización	Igrexa católica
Cargos	Bispo de Roma
[ editar datos en Wikidata ]

Alexandre I

Vida e pontificado

Da súa vida e do seu pontificado téñense poucos datos, e os que hai son abondo confusos e pouco fiables. O seu mandato como bispo de Roma debeu rematar estando de emperador Traxano, aínda que Eusebio de Cesarea sinala que foi ao pouco de comezar o mandato do emperador Hadrián (por volta, pois, de 120).

Atribúeselle a institución da auga bieita nas igrexas e nas casas. Tamén puido ser el quen decidise que as hostias se fixesen con pan sen levedar e que o viño da eucaristía se mesturase con auga.

Morte e santidade

Unha tradición do século V afirmaba que o papa Alexandre I fora decapitado a canda santo Evencio e san Teodoro, pero por outros datos parece que o terceiro nese martirio fose un Alexandre distinto do papa. Cando no século XIX se atopou unha tumba preto de Roma, ao pé da vía Nomentana, con tres cadáveres decapitados, pensouse que eran estes tres e os seus restos foron trasladados á igrexa de Santa Sabina, en Roma.

Porén, non está probado sequera que Alexandre I fose martirizado, malia que a igrexa católica considérao así. Como tódolos papas anteriores ao edicto de Milán, é considerado santo e a súa festa celébrase o 3 de maio.

Parroquias en Galicia

Non hai ningunha parroquia en Galicia baixo a avogación de Santo Alexandre.

Notas

---

Este artigo sobre Papas é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---