Aión de Friúl
Aión ou Haión, finado despois de 811, foi duque de Friúl, despois da morte (sobre 808) de Hunfrido (que, para algúns, só sería a margrave de Istria, pero non duque de Friúl, pois en ningún documento aparece co título de dux e, por outra banda, é mencionado varias veces como marchio, e neste caso sería duque despois da morte de Eric no 799); gobernaría ata ao nomeamento de Cadaloh (Cadolah) en 817.
| Biografía | |
|---|---|
| Nacemento | século VIII  |
| Morte | 817 |
| Actividade | |
| Ocupación | feudatario, missi dominici |
| Carreira militar | |
| Lealdade | Imperio Carolinxio |
| Outro | |
| Título | Duque de Friúl (808–817) |
Traxectoria
editarAión recibiu terras por primeira vez no Ducado de Friúl [1] de Carlomagno o 2 de febreiro de 799. Carlomagno máis tarde confirmou a división da propiedade entre os fillos de Aión o 7 de xullo de 809: o fillo máis vello, Alboíno ou Albuíno, recibiu terras en Friúl e Vicenza; o segundo, Ingoberto, recibiu terras en Vicenza, e o máis novo, Agisclaf, recibiu Verona. As propiedades de Aión eran extensas e as súas doazóns aos seus fillos tiñan que ser confirmadas polo mesmo emperador.
De acordo con Exinardo e os Anais de Fulda, Carlomagno enviou (811) a Haidón, bispo de Basilea, a Hugo, conde de Tours e Aión, como missi dominici, para atoparse cos emisarios de Constantinopla e confirmar a Paz de Nicéforo de 803 .