Agustín José Antuña Alonso
Agustín José Antuña Alonso, nado en La Felguera (Asturias) o 19 de marzo de 1927,[1] e finado en Xixón o 10 de marzo de 2012,[2] foi un avogado e político asturiano da Unión de Centro Democrático (UCD).
Biografía | |
---|---|
Nacemento | 19 de marzo de 1927 La Felguera, España |
Morte | 10 de marzo de 2012 (84 anos) |
Cargos | |
Presidente da Deputación Provincial de Oviedo | |
Período | 1977 – 6 de marzo de 1982 |
Antecesor | Juan Luis de la Vallina Velarde |
Sucesor | Ninguén |
Presidente da Xunta Xeral do Principado de Asturias | |
Período | 6 de marzo de 1982 – 14 de xaneiro de 1983 |
Antecesor | Ninguén |
Sucesor | Eugenio Carbajal Martínez |
Concelleiro do Concello de Xixón | |
Período | 1979 – 1983 |
Datos persoais | |
País de nacionalidade | España |
Educación | Universidade de Oviedo |
Actividade | |
Ocupación | Avogado |
Partido político | UCD |
Lingua | Lingua castelá |
Familia | |
Cónxuxe | Aurora Egocheaga |
Premios | |
Lista
|
Licenciouse en Dereito na Universidade de Oviedo.
Entre 1979 e 1983 foi cabeza de lista do concello de Xixón pola UCD sendo concelleiro e xefe da oposición, cargo que compaxinou co de Presidente da Deputación Provincial de Oviedo. Permanece nese posto até a aprobación do Estatuto de Autonomía asturiano o 6 de marzo de 1982, co cal a Deputación intégrase na Administración Autonómica converténdose na Xunta Xeral do Principado de Asturias e Agustín Antuña convértese no seu primeiro presidente provisional, posto que ocupa até o 14 de xaneiro de 1983.
Máis tarde desempeñou diversos cargos como o de decano do Colexio de Avogados de Xixón (1990-2000), conselleiro do Consello Xeral da Avogacía, vicepresidente da Cámara da Propiedade Urbana de Xixón e desde 1980 patrono-fundador da Fundación Príncipe de Asturias.
Concedéronselle varias distincións como a Gran Cruz de San Raimundo de Peñafort e a Insignia de Ouro do Colexio de Avogados de Xixón. É así mesmo, membro de honra da Academia de Medicina do Principado e é membro de número da Academia de Xurisprudencia do Principado.
Foi presidente da Fundación Foro Jovellanos do Principado de Asturias entre marzo de 1998 e o mesmo mes de 2002.
Predecesor: Juan Luis de la Vallina Velarde |
Presidente da Deputación Provincial de Oviedo 1977 - 1982 |
Sucesor: Ninguén |
Predecesor: Ninguén |
Presidente da Xunta Xeral do Principado de Asturias 1982 - 1983 |
Sucesor: Eugenio Carbajal Martínez |
Notas editar
- ↑ "Michavila condecora a Agustín Antuña". La Voz de Asturias. Arquivado dende o orixinal o 29 de xuño de 2012. Consultado o 23 de maio de 2013.
- ↑ ElComercio.es: Fallece Agustín Antuña, primer presidente de la Junta
Véxase tamén editar
Ligazóns externas editar
- Biografía de Agustín José Antuña Alonso[Ligazón morta], na Real Academia de Medicina del Principado de Asturias (en castelán).