Aethelheard de Wessex
Aethelheard de Wessex, finado en 740, foi rei de Wessex desde 726 até a súa morte.
| Biografía | |
|---|---|
| Nacemento | século VIII  |
| Morte | c. 740 |
King of Wessex (en)  | |
| 726 – 740 ← Ine de Wessex – Cuthred de Wessex → | |
| Actividade | |
| Ocupación | monarca |
| Familia | |
| Familia | Casa de Wessex (pt) |
| Cónxuxe | Fridogida (pt) |
| Irmáns | Cuthred de Wessex e Etelburga de Wessex (pt) |
Traxectoria editar
É posible que fose cuñado do seu predecesor, Ine, pero non hai fontes fiábeis que aseguren tal cousa, polo que tamén se abre a posibilidade de que sexa o primeiro rei de Wessex sen relación familiar con Cynric.
Cando Ine abdicou e marchou a Roma en 726 non deixou un descendente claro, e segundo textos de Beda o Venerable simplemente deixou o seu reino en mans de "homes máis novos"[1]. Así, tras a súa marcha iniciouse unha disputa entre Aethelheard e outro candidato, Oswald, que parece ser que tiña uns dereitos sobre o trono máis firmes que os de Aethelheard, pois a Crónica anglosaxoa sinala que era descendente de Ceawlin, mentres que este último, a pesar de acceder finalmente ao trono, non[2].
É posíbel que Aethelbald de Mercia lle dese o seu apoio nesta sucesión na que Aethelheard se impuxo finalmente, pois logo ambos aparecen vinculados. En calquera caso, Aethelbald tomou considerábeis territorios de Wessex en 733, incluíndo a señoría real de Somerton.
A muller de Aethelheard, Frithugyth, fixo unha peregrinación a Roma en 737, segundo sinala a Crónica anglosaxoa.