Aeroporto de Tampere-Härmälä
O aeroporto de Tampere-Härmälä foi o aeroporto internacional da cidade de Tampere (Finlandia). Foi fundado cando a Valtion lentokonetehdas (en galego Fábrica de Avións do Estado) buscaba unha nova localización. A súa construción comezou en 1932, e cando se finalizou en 1936 era o único aerporto do interior de Finlandia. O edificio da terminal foi deseñado polo arquitecto municipal da cidade de Tampere Bertel Strömmer, e no edificio encontrábanse as oficinas do aeroporto, salas de espera para viaxeiras e viaxeiros, bar e unha estación meteorolóxica.[1]
Aeroporto de Tampere-Härmälä Tampere-Härmälän lentoasema
| |||
|---|---|---|---|
| |||
| Sumario | |||
| Tipo | público/militar | ||
| Operador | Autoridade de Aviación Civil | ||
| Cidade/Illa | Tampere | ||
| Localización | Pirkkala | ||
| Coordenadas | |||
| Pista(s) | |||
| Dirección | Longo | Superficie | |
| metros | pés | ||
| 27/09 | asfalto | ||
A predecesora de Finnair, Aero Oy operou voos a Helsinqui, Vaasa, Oulu e Kemi. Durante a Guerra de Continuación o aeroporto foi empregado polo 2º Rexemento de Aviación.[2] En 1941, despois da Guerra de Inverno, construíuse a primeira terminal para pasaxeiras e pasaxeiros en Härmälä. O campo tiña carácter militar, xa que Valtion lentokonetehdas construía tamén avións militares.
A rota Helsinqui-Tampere foi a primeira rota regular nacional de Aero. Na década de 1950 os irmás Karhumäki comezaron os voos a Estocolmo. O campo foi asfaltado en 1958.
Na era dos reactores o aeroporto de Tampere precisaba dunha pista máis longa, mais o crecemento do barrio de Härmälä non permitía que se ampliara a antiga pista. O transporte de persoas trasladouse ao novo aeroporto de Tampere-Pirkkala en 1979, momento no quue 1,5 millóns de persoas pasaran por Härmälä. Aínda houbo aviación xeral en Härmälä ata 1982. O derradeiro voo de salto en paracaídas no aeroporto tivo lugar a finais de xuño de 1983.[1]
O antigo campo de Härmälä conta aínda un edificio da terminal, un hangar para avións que forma parte do centro de exhibicións e deportes, e unha parte da antiga pista funciona como área de aparcadoiro do Pirkkahalli. No edificio da terminal está o club de paracaidismo de Tampere e as súas instalacións de adestramento. A cidade de Tampere vendeu o edificio da terminal ao club, que fora o seu inquilin durante moito tempo, en 2014.[1]