Adrián Mouriño
Adrián Mouriño Fernández, nado o 1 de agosto de 1988 no Porriño, é un futbolista galego. Xoga de centrocampista e o seu club actual é a UD Atios, de Terceira División.
| Adrián Mouriño | |||
|---|---|---|---|
| Información persoal | |||
| Nome | Adrián Mouriño Fernández | ||
| Nacemento | 1 de agosto de 1988 (36 anos) | ||
| Lugar de nacemento | O Porriño | ||
| Altura | 1,68 m. | ||
| Posición | Centrocampista | ||
| Información de club | |||
| Club actual | UD Atios | ||
| Carreira xuvenil | |||
| 2006–2007 | Celta de Vigo | ||
| Carreira sénior | |||
| Anos | Equipos | Aprs | (Gls) |
| 2007–2008 | Celta B | 27 | (0) |
| 2008–2010 | Coruxo | ||
| 2010–2011 | Montañeros | 7 | (0) |
| 2011–2012 | Ourense | ||
| 2012–2013 | Recreativo de Huelva B | 27 | (6) |
| 2012–2013 | Recreativo de Huelva | 2 | (0) |
| 2013–2014 | UE Sant Andreu | 28 | (2) |
| 2014–2017 | Pontevedra CF | 140 | (15) |
| 2019–2020 | Rápido de Bouzas | 19 | (6) |
| 2020– | UD Atios | 3 | (0) |
| Na rede | |||
 | |||
|
Partidos e goles só en liga doméstica. Club: actualizado a 13 de novembro de 2020. [ editar datos en Wikidata ] | |||
Traxectoria
editarIniciouse nas categorías inferiores do Celta de Vigo, debutando co Celta B en setembro de 2007, nun partido de Segunda B contra o Real Madrid Castilla.[1] No 2008 fichou polo Coruxo, de Terceira,, co que disputou as tempadas 2008/09 e 2009/10, logrando o ascenso a Segunda B. Asinou entón polo Montañeros, tamén de 2ª B, onde xogou durante unha tempada, e en 2011 regresou a Tercera División fichando polo Club Deportivo Ourense, sendo un dos xogadores máis destacados do ascenso do club vermello.[2]
O 10 de xullo de 2012 fichou polo Recreativo de Huelva, sendo asignado ao filial en Terceira. Ademais debutou co primeiro equipo en Segunda División o 26 de outubro contra o FC Barcelona B. O 4 de setembro de 2013 asinou coa UE Sant Andreu, de 2ª, onde xogou unha tempada.
En 2014 asinou polo Pontevedra CF, co que ascendeu esa tempada a Segunda División B, tras xogar 27 partidos e marcar 5 goles. Militou catro anos máis no equipo do Lérez, sendo cedido medio ano na última tempada ao Rápido de Bouzas debido aos poucos minutos dos que dispoñía en Pontevedra.[3] Na tempada seguinte o Pontevedra comunicoulle que non contaba con el, polo que volveu ao Rápido de Bouzas.[4][5]
Na tempada 2020/21 fichou pola UD Atíos, na primeira aparición do club do seu pobo na Terceira División.[6]
Notas
editar- ↑ "Celta de Vigo B - Real Madrid Castilla". bdfutbol.com. Consultado o 13 de novembro de 2020.
- ↑ "El porriñés Mouriño interesa en Huelva". La Voz de Galicia (en castelán). 1 de xuño de 2012. p. 48.
- ↑ "Mouriño: "Me voy triste y solo pienso en volver al Pontevedra"". Faro de Vigo (en castelán). 25 de xaneiro de 2019. Consultado o 13 de novembro de 2020.
- ↑ Nogueira Casás, Xaime (03 de setembro de 2019). "Mouriño: "Aún no me lo creo. No me veo fuera del Pontevedra"". Diario de Pontevedra (en castelán). Consultado o 13 de novembro de 2020.
- ↑ "Adrián Mouriño debuta con el Rápido un mes después de dejar el Pontevedra". La Voz de Galicia (en castelán). 13 de outubro de 2019. Consultado o 13 de novembro de 2020.
- ↑ "O Atios comeza cunha vitoria no derbi do Louro". 18 de outubro de 2020. Consultado o 13 de novembro de 2020.