Adolfo Muíños

Adolfo Muíños
Datos persoais
Nacemento	1966
	Santiago de Compostela, Galiza
Organización	Bloque Nacionalista Galego
Profesión	Político
	[ editar datos en Wikidata ]

Adolfo Francisco Muíños Sánchez,^[1] nado en Santiago de Compostela en 1966, é un político galego do BNG.

Adolfo Muíños na XV Asemblea Nacional do BNG na Coruña no 2016.

TraxectoriaEditar

Licenciado en Pedagoxía e diplomado en Maxisterio pola Universidade de Santiago de Compostela. Desde 1995 foi educador do Concello de Santiago e despois director de Actividades de Tempo Libre. É membro activo de diferentes colectivos culturais como a asociación cultural Barbantia e a asociación de música e baile tradicional Vai de Roda de Rianxo, localidade na que se instalou coa súa familia.

Anteriormente militante do PSG-EG, incorporouse nos anos 90 ao BNG, sendo responsable local en Rianxo a partir de 2003. Foi elixido concelleiro na localidade tralas municipais de 2007, como número 2 da candidatura. Foi candidato á alcaldía de Rianxo en 2011, sendo alcalde dese municipio dende o 11 de xuño dese mesmo ano. Nese primeiro mandato gobernou en coalición co PSdeG-PSOE de Carlos Gey Hermo. Nese mandato foi deputado provincial a partir de 2012. Tralas municipais de 2015 encabezou un goberno en minoría e como a forza máis votada, aínda que volveu ser investido co apoio dos socialistas. Nas eleccións municipais de 2019 acadou de novo a alcaldía ^[2], conformando un goberno de coalición co PSdeG-PSOE de Carmen Figueira Ares. En novembro de 2022 anunciou que non se presentaría á reelección en 2023, cedendo o liderado do BNG a Xusto Xosé Ordóñez^[3].