Acklins

Acklins é unha illa e distrito das Bahamas. É parte dun grupo de illas situadas na chamada conca mariña de Acklins, das cales a máis grande son Crooked 197 km² no norte e Acklins no sueste, e as máis pequenas son Caio Longo (antno coñecida como illa Fortune 21 km²) no noroeste, e a illa do Castelo no sur.

Acklins
Localización da illa
Mapa da illa
Situación
País	Bahamas
Arquipélago	Bahamas
Mar	Océano Atlántico
Coordenadas	22°26′N 73°58′O
Xeografía
Xeoloxía	Caio
Superficie	389 km²
Punto máis alto	6 m.
Demografía
Capital	Spring Point
Poboación	565 hab.(2010)
Densidade	1´4 hab./km²

Historia

As illas foron colonizadas por unionistas leais expulsados por América nos anos 1780 que se estableceron para cultivar algodón empregando a máis de 1000 escravos. Logo da abolición da escravitude no Imperio Británico, os habitantes desenvolveron a actividade pesqueira, a agricultura e fixeron comercio con esponxas a pequena escala.

A cidade principal no grupo é Coronel Hill na illa Crooked. Albert Town, en Caio Longo, agora escasamente poboada, unha vez foi unha próspera pequena cidade. Tamén serviu como porto para a transferencia de estibadores en busca de traballo nos buques en tránsito.

A poboación diminuíu significativamente, pasando de 1.561 habitantes en 1901 a 565 en Acklins, no censo de 2010, coa maioría das persoas vivindo en Lovely Bay no extremo noroeste da illa e en Salina Point no área máis ao sur da illa. En 2000 así mesmo, Illa Crooked contaba con 350 habitantes.

Mapa topográfico da illa Acklins Island e illa Crooked.

Crese que a primeira oficina de correos das Bahamas estaba situadas en Pitt's Town na illa Crooked.

Aínda que Acklins Island ten relativamente poucos fitos históricos, hai algúns lugares dignos de mención. Acklins é o fogar de numerosos sitios dos Lucayan. Un antigo sitio indio Lucayan, que se cre que é un dos asentamentos indios máis grandes dos Lucayan nas Bahamas, atópase ao longo de Pompey Bay Beach, xusto ao sur de Spring Point. Dez sitios antigos dos Lucayan foron desenterrados por arqueologos da National Geographic Society só en Caio Samana, que se atopa ao nordés de Spring Point en Acklins.

Plana Cays, tamén ao nordés de Spring Point, é unha reserva protexida para grandes iguanas en perigo de extinción e as moi raras hutias das Bahamas (roedores de tipo cobaia), o único mamífero nativo das Bahamas. Outro sitio de interese é o remoto Faro da illa Castle no punto máis ao sur da illa Acklins.

Transporte

A illa é servida por Spring Point Airport.

Véxase tamén