Abdala Qarali
Abdala bin Mikhail Qarali, O.L.M. (en árabe: عبد الله بن ميخائيل قراءلي), nado o 8 de setembro de 1672 en Alepo e finado o 6 de xaneiro de 1742, foi un relixioso católico maronita, bispo de Beirut dende 1716 até o seu pasamento.
Traxectoria editar
Naceu o 8 de setembro de 1672 en Alepo.[1][2] Desexou facer vida monástica, pero o seu pai Mikhail non estivo de acordo, ao non haber mosteiros maronitas na súa rexión.[2] Finalmente o seu pai aceptou, e en 1694 finalmente marchou cara a Xerusalén en peregrinación xunto co tamén alepino Yusif al-Batin, e posteriormente os dos se dirixiron ao Monte Líbano, onde se reuniron en Srarta (preto de Trípoli) con Xibrail Hawa.[3] Os tres visitaron o patriarca Estevo II al-Duaihi no mosteiro de Qanubin, e o acompañaron a visitar algúns mosteiros.[3] Posteriormente, o bispo de Alepo Xibrail al-Blausani convidounos a visitar o mosteiro de Tamix, no Kisruan, onde Qarali e al-Batin estiveron arredor de 3 meses,[4] logo dos cales Qarali volveu a Qanubin; dende alí, e xunto con Xibrail, acompañou ao patriarca pola rexión de Batrun e Xubail.[5]
En 1695 o patriarca tivo que se agochar do paxá de Trípoli, e Qarali e os seus compañeiros volveron ao mosteiro de Qanubin.[5] Cando o patriarca se uniu a eles, obtiveron permiso para pasar o estío no mosteiro de San Serxio en Ihdin. En setembro, coa aprobación do bispo de Ihdin, se estabeleceron no mosteiro de Santa Maura en Ihdin.[6] No verán do mesmo ano foi ordenado diácono polo patriarca Estevo II,[6] e finalmente os tres compañeiros tomaron o hábito ante o patriarca, o 10 de novembro de 1695.[7] Os monxes elixiron como superior a Xibrail Hawa, e a comezos de 1696 pasaron o inverno no convento dos xesuítas de Trípoli, volvendo en primavera a Santa Maura e completando a restauración do mosteiro no verán do mesmo ano.[8]
En 1696 foron convidados polos habitantes de Bixari a tomar posesión do mosteiro de santo Eliseo, e alí enviaron a algúns monxes que decidiran comezar a vida monástica con eles.[8] No estío, Qarali foi elixido polo superior (Hawa) para ser ordenado sacerdote, e recibiu a ordenación de mans do bispo de Ihdin; comezou tamén a dar clase na escola local.[9]
O 17 de setembro de 1716 foi ordenado bispo polo patriarca Xacobe IV, para a sé de Beirut. Finou no cargo o 6 de xaneiro de 1742.[1]
Notas editar
- ↑ 1,0 1,1 Khalifé, Ignace-Abdo (1964). Université Saint-Joseph, ed. "Catalogue Raisonné des Manuscrits de la Bibliothèque Orientale de l'Université Saint Joseph". Mélanges de l'Université Saint-Joseph (Beirut: Imprimerie Catholique) 39: 77.
Abdallah QARA'ALI (Archevêque maronite de Beyrouth, né à Alep le 8 Septembre 1672, mort le 6 janvier 1742)
- ↑ 2,0 2,1 Qaraali 2007, p. 14.
- ↑ 3,0 3,1 Qaraali 2007, p. 16.
- ↑ Qaraali 2007, p. 18.
- ↑ 5,0 5,1 Qaraali 2007, p. 22.
- ↑ 6,0 6,1 Qaraali 2007, p. 24.
- ↑ Qaraali 2007, p. 26.
- ↑ 8,0 8,1 Qaraali 2007, p. 28.
- ↑ Qaraali 2007, p. 30.
Véxase tamén editar
Bibliografía editar
- Qaraali, ‘Abdallah (2007). Mahfouz, Joseph, ed. Memoires de ‘Abdallah Qaraali (en francés e árabe (edición bilingüe)). Jounieh: Publications de l'Université Saint-Esprit de Kaslik.