AMOS 2
AMOS 2 (עמוס 2 en hebreo) é un satélite de comunicacións comercial israelí lanzado por un foguete Soiuz o 27 de decembro de 2003 desde o cosmódromo de Baikonur, en Casaquistán, a unha órbita xeoestacionaria. Foi o segundo satélite de comunicacións israelí.
| AMOS 2 | |
|---|---|
| Tipo | Satélite de comunicacións |
| Data de lanzamento | 27 de decembro de 2003[1] |
| Foguete portador | Soiuz |
| Sitio de lanzamento | Cosmódromo de Baikonur |
| NSSDC ID | 2003-059A |
| Masa | 1400 kg[2] |
| Datos orbitais | |
| Inclinación | 0 graos[1] |
| Apoapse | 35 809,6 km[1] |
| Periapse | 35 778,4 km[1] |
Características editar
AMOS 2 é operado por Spacecom. Foi situado nunha posición a 4º de latitude oeste e da servizo a Oriente Medio (incluíndo Israel), Europa e a costa leste dos Estados Unidos grazas ós seus once transpondedores en banda Ku.
AMOS 1 usou un motor de combustible líquido de 400 Newton para alcanzar a órbita xeoestacionaria tralo lanzamento por parte do Soiuz. Ten dez propulsores para o control de actitude, cada un cun pulo de 10 Newtons. Inicialmente levaba 450 kg de propelente (monometil hidracina e MON 3).
A lonxitude do satélite, cos paneis solares despregados, é de 11,5 metros. Estabilízase nos tres eixos mediante sensores de Terra e de Sol e mediante volantes de inercia. Os paneis xeran 1700 vatios de potencia, con baterías de níquel-cadmio como apoio.
AMOS 1 e AMOS 2 foron colocados cerca un doutro para crear unha localización común, permitiendo ós usuarios dos satélites aumentar o acceso ós servizos sen antenas adicionais.[3]
Notas editar
- Wade, Mark (2011). Encyclopedia Astronautica, ed. "AMOS 2" (en inglés). Consultado o 24 de xuño de 2011.