2867 Šteins
2867 Šteins é un pequeno asteroide do cinto principal que foi descuberto en 1969 por Nikolai Chernykh[3]. O nome lle foi asignado por Kārlis Šteins, un astrónomo letón e soviético[4]. Šteins recibiu a visita da sonda espacial Rosetta no ano 2008.
| |
|---|---|
| Representación vectorial do asteroide a partir dunha fotografía tomada pola sonda Rosetta. | |
| Descubrimento | |
| Descuberto por | Nikolai Stepanovich Chernykh |
| Lugar do descubrimento | Observatorio Astrofísico de Crimea |
| Descuberto o | 4 de novembro de 11969 |
| Designación do CPM | |
| Designación alternativa | |
| Procedencia do nome | Kārlis Šteins |
| Características orbitais | |
| Periapse | 2,018 UA |
| Apoapse | 2,708 UA |
| Excentricidade | 0,146 |
| Período orbital | 1326,736 d |
| Inclinación | 9,946° |
| Anomalía media | 259,193° |
| Lonxitude do nodo ascendente | 55,530° |
| Características físicas | |
| Albedo | 0,34±0,06 |
| Magnitude absoluta | 12,2 |
| Dimensións | 6,67 x 5,81 x 4,47 km[1] |
| Radio medio | 2,65 km[2] |
| Temperatura | ~181Kelvin |
| Tipo espectral | E |
Características físicas
editarUn estudo publicado en 2006 por astrónomos do Observatorio austral europeo mostrou que Šteins é un asteroide de tipo E cun diámetro duns 4,6 km[5]. O estudo previo ó sobrevoo da sonda Rosetta mostrou, mediante a súa curva de luz, que o asteroide ten un período de rotación dunhas seis horas, que ten forma irregular e que non ten ningunha lúa.[6]
Tralo sobrevoo de Rosetta, a ESA describiu Šteins como "un diamante no ceo", dado que ten unha forma que se vai estreitando cara a un extremo. A parte máis ancha do asteroide está dominada por un gran cráter de 2,1 km de diámetro e que sorprendeu ós científicos, que non esperaban que o asteroide puidera sobrevivir a semellante impacto.[7] As fotografías de Šteins tomadas por Rosetta permitiron ós científicos determinar que o asteroide ten unhas dimensións de 6,67 x 5,81 x 4,47 km[1], o que significa un diámetro medio de 5,3 km.[2]
Sobrevoo
editarO 5 de setembro de 2008, a nave Rosetta sobrevoou Šteins a unha distancia de 800 km e unha velocidade relativamente baixa de 8,6 km/s.[8] Este foi o primeiro de dous sobrevoos de asteroides programados para a sonda Rosetta, visitando en 2010 o asteroide 21 Lutetia, moito máis grande.[9] No momento do sobrevoo agardábase que o asteroide estivese iluminado polo Sol desde a perspectiva da nave, co que as imaxes tiñan moitas posibilidades de ser claras e nítidas.[10] O Centro Europeo de Operacións Espaciais (ESOC) transmitiu unha conferencia de prensa adicada ó sobrevoo o mesmo día que foi levado a cabo.[11]
Notas
editar- ↑ 1,0 1,1 "Rosetta's OSIRIS cameras reveal the nature of asteroid Steins". ESA Science & Technology. January 8, 2010.
- ↑ 2,0 2,1 H. U. Keller, et all - E-Type Asteroid (2867) Steins as Imaged by OSIRIS on Board Rosetta - Science 8 January 2010: Vol. 327. no. 5962, pp. 190 - 193 DOI: 10.1126/science.1179559
- ↑ IAU: Minor Planet Center (ed.). "Discovery Circumstances: Numbered Minor Planets (1)-(5000)". Consultado o 17 de maio de 2011.
- ↑ Lutz Schmadel (2003). Dictionary of minor planet names. 3-540-00238-3.
- ↑ S. Fornasier, I. Belskaya, M. Fulchignoni, M. A. Barucci, C. Barbieri (2006). "First albedo determination of 2867 Steins, target of the Rosetta mission".
- ↑ Michael Küppers, Uwe Keller, Rita Schulz, Gerhard Schwehm. "OSIRIS camera on Rosetta obtains ‘light curve’ of asteroid Steins" (en inglés). Consultado o 17 de maio de 2011.
- ↑ ESA Rosetta News (ed.). "Steins: A diamond in the sky" (en inglés). Consultado o 17 de maio de 2011.
- ↑ ESA Rosetta News (ed.). "Encounter of a different kind: Rosetta observes asteroid at close quarters" (en inglés). Consultado o 17 de maio de 2011.
- ↑ M. A. Barucci, M. Fulchignoni and A. Rossi (2007). "Rosetta Asteroid Targets: 2867 Steins and 21 Lutetia". Space Science Reviews 128 (1-4): 67–78.
- ↑ "Spacecraft set for asteroid fly-by". Express.co.uk (en inglés). 5 de setembro de 2008. Consultado o 26 de maio de 2019.
- ↑ Monica Talevi (4 de setembro de 2008). European Space Agency, ed. "Rosetta Steins fly-by timeline". Arquivado dende o orixinal o 8 de decembro de 2011. Consultado o 17 de maio de 2011.