Área de conservación Guanacaste
A Área de conservación Guanacaste é unha rede de áreas protexidas e Patrimonio da Humanidade da UNESCO na Provincia de Guanacaste, no noroeste de Costa Rica. O Patrimonio da Humanidade contén unha extensión ininterrompida de bosque tropical seco e un hábitat importante para varias especies vulnerables, incluíndo o Tapir de Baird, o Colibrí do mangleiral e o Gran guacamaio verde.[1] No parque localizáronse máis de 7.000 especies de plantas e 900 de vertebrados.
| Área de conservación Guanacaste | |
|---|---|
 volcán Rincón de la Vieja | |
  Guanacaste | |
| Patrimonio da Humanidade - UNESCO | |
| País |  Costa Rica |
| Localización | Provincia de Guanacaste |
| Tipo | Natural |
| Criterios | IX, X |
| Inscrición | 1999 (23ª sesión) |
| Rexión da UNESCO | Europa e América do Norte |
| Identificador | 928bis |
Xeografía editar
A superficie dos parques nacionais combinados suma 1470 km² desde 2004. Isto reflicte un proceso de crecemento a longo prazo, que comezou co establecemento do Parque Nacional de Santa Rosa en 1971. Durante varias décadas, compráronse terras circundantes e os parques nacionais próximos conectaronse á crecente área protexida, polo que a Área de Conservación de Guanacaste chegou a abarcar unha gran diversidade de bosque seco tropical, selva tropical, bosque nubrado e hábitats mariños. O parque contén preto de dous terzos dos animais en perigo de extinción de Costa Rica.[2]
Formalmente pasou a formar parte do Sistema Nacional de Áreas de Conservación—SINAC en 1994, e do Patrimonio da Humanidade en 1999. En 2004, o Patrimonio da Humanidade ampliouse cunha propiedade privada que mide 15.000 ha na selva tropical de Santa Elena.[1]
Elementos editar
O Patrimonio da Humanidade inclúe:
Notas editar
- ↑ 1,0 1,1 "Area de Conservación Guanacaste". United Nations Educational, Scientific, and Cultural Organization. Consultado o 14 de maio de 2021.
- ↑ Pringle, Robert M. (2017). "Upgrading protected areas to conserve wild biodiversity". Nature 546 (7656): 91–99. Bibcode:2017Natur.546...91P. PMID 28569807. doi:10.1038/nature22902.
Véxase tamén editar
| Wikimedia Commons ten máis contidos multimedia na categoría: Área de conservación Guanacaste |
Outros artigos editar
Ligazóns externas editar
- Ficha do sitio na UNESCO (en inglés e francés).
- Sitio web do Área de Conservación Guanacaste