Á de mosca

Á de mosca é unha novela do ano 1998 escrita por Aníbal Malvar.

Á de mosca
Autor/a	Aníbal Malvar
Cuberta	X. M. Albán
Orixe	Galiza
Lingua	galego
Colección	Negra
Xénero(s)	novela negra
Editorial	Xerais
Data de pub.	1998
Formato	rústica con lapelas
Páxinas	248
ISBN	ISBN 84-8302-210-9
[ editar datos en Wikidata ]

Trama

Carlos Ovelar, un fotógrafo freelance galego residente en Madrid. Antigo traballador dos servizos estatais de intelixencia, é chamado polo marido da súa ex muller para que atope á filla, desaparecida recentemente. Malia que só estivera unha vez coa rapaza, e que as relacións coa súa ex muller son inexistentes, decide ir.

Coa axuda do Gualtrapa, outro exmembro dos servizos de intelixencia, ao igual que o pai de Carlos, descubrirá que Ania, a desaparecida, está en relación cos fillos dun dos capos do tráfico de cocaína, residente na Illa de Arousa, e que a súa desaparición está relacionada co roubo de trinta quilos de droga.

Narración

Está ambientada a medio camiño entre Santiago de Compostela e o Salnés. Está narrado en primeira persoa polo protagonista.

Traducións

• Ao castelán por Susana Veiga co título de Ala de mosca publicado en 2009 pola Editorial InÉditor.

• Ao francés por Helène Serrano co título de Comme un blues publicado en 2017 por Asphalte éditions, col. Fictions.

Véxase tamén

Ligazóns externas

• ficha na páxina da editorial Arquivado 21 de decembro de 2005 en Wayback Machine.