Rally de Ourense de 1992
O Rally de Ourense de 1992 foi a 25º edición de dito rally. Foi puntuable para a tempada 1992 do Campionato de Galicia de Rally, así como para o Campionato de España de Rallys. Celebrouse entre o 16 e o 18 de outubro e o vencedor foi o cántabro Chus Puras.[1]
| Rally de Ourense de 1992 | |
|---|---|
| Categoría | España Galicia |
| Localización |  Ourense |
| Organizador | Escudaría Ourense |
| Ámbito | Nacional Rexional |
| Superficie | Asfalto |
| Tramos | 20 |
| Distancia tramos | 212 km |
| Gañadores | |
| Piloto campión |  Jesús Puras |
| Participantes | |
| Pilotos | 60 |
| Anterior | Rally de Ourense de 1991 |
| Seguinte | Rally de Ourense de 1993 |
Itinerario editar
O rally constou de 634 quilómetros, dos cales 212 corresponderon aos 20 treitos cronometrados. A saída e a chegada, así como o parque pechado situáronse no parque de San Lázaro. Nas primeira dúas seccións fixéronse dúas pasadas polos treitos de Tríos-Esgos, Chandrexa, Castro Caldelas, Canón do Sil e Pradomao. Na segunda metade do rally os treitos a percorrer foron A Peroxa, Os Peares, Luíntra, Puga e Ramirás-Toén, tamén con dúas pasadas a cada un deles.[2]
Inscritos editar
Inscribíronse 60 pilotos, incluídos os primeiros clasificados no Campionato de España, do que o Rally de Ourense era unha das últimas probas. O canario Ricardo Avero, cuarto no campionato, foi o único dos primeiros clasificados que non se inscribiu. Tanto Chus Puras como Luis Monzón e José María Ponce chegaron á proba ourensá con opcións para se proclamaren campións de España. Respecto ao campionato galego participaron tamén os principais pilotos (Castrillón, Piñeiro, Paz, Magdaleno, Blach), destacando a ausencia de Manolo Senra, máis centrado nos rallys de terra.[2]
Resumo editar
Os Lancia Delta HF Integrale de Chus Puras e Luis Monzón foron os máis rápidos con moita diferenza, ata que este último tivo que abandonar no segundo paso por Castro Caldelas por un problema mecánico, polo que Puras chegou á meta de xeito despreocupado con máis de 5 minutos de vantaxe sobre o BMW M3 de Chema Ponce, que rematou segundo, e máis de 11 sobre o terceiro, Luis Climent. O líder do campionato galego, Germán Castrillón abandonou antes de comezar a sección nocturna, cando ía en quinta posición. Con todo, incluso co abandono rematou o rally como campión galego.[3] Tamén abandonaron Daniel Alonso, Oriol Gómez e Javier Piñeiro. Sergio Vallejo e José María Banga aproveitaron estes abandonos para metérense entre os cinco primeiros.[4]
Clasificación final editar
| Pos | Piloto | Copiloto | Automóbil | Tempo |
|---|---|---|---|---|
| 1 | Jesús Puras
|
Álex Romaní
|
Lancia Delta HF Integrale | 2:20:43 |
| 2 | José María Ponce
|
José Carlos Déniz
|
BMW M3 | 2:26:32 |
| 3 | Luis Climent
|
José Antonio Muñoz
|
Opel Corsa GSI | 2:32:16 |
| 4 | Sergio Vallejo
|
Diego Vallejo
|
Peugeot 309 GTI 16V | 2:37:29 |
| 5 | José María Banga
|
Modesto González
|
Citroën AX Sport | 2:46:20 |
| 6 | Juanjo Pérez
|
Rubén Comesaña
|
Peugeot 309 GTI 16V | 2:50:00 |
| 7 | Germán Linares
|
Ignacio Pardo
|
Renault 5 GT Turbo | 2:55:36 |
| 8 | Germán Gómez
|
Juan Barros
|
Citroën AX Sport | 2:56:37 |
| 9 | Jaime Azcona
|
 Julius Billmaier
|
Peugeot 205 Rallye | 2:57:15 |
| 10 | Sergio García
|
José Ramón Andrés
|
Peugeot 205 Rallye | 2:58:18 |
| Abandonos | ||||
| - | Luis Monzón
|
Gaspar León
|
Lancia Delta HF Integrale | - |
| - | Daniel Alonso
|
Salvador Belzunces
|
Ford Sierra Cosworth | - |
| - | Germán Castrillón
|
Estrella Castrillón
|
Ford Sierra Cosworth | - |
| - | Oriol Gómez
|
Marc Martí
|
Peugeot 309 GTI 16V | - |
| - | Kiko Cima
|
Jacinto Martínez
|
Renault Clio 16v | - |
| - | Javier Piñeiro
|
Carlos Cascallar
|
Lancia Delta Integrale | - |
| - | Iñigo Lilly
|
Mario Saguillo
|
Opel Corsa GSI | - |
Notas editar
- ↑ Javier Figueiredo Pérez. "Rallye de Ourense 1967-2003": 227.
- ↑ 2,0 2,1 Arévalo, Fernando (17 de outubro de 1992). "Puras, Monzón y Ponce se juegan en Orense el campeonato nacional" (en castelán). 49.
- ↑ Arévalo, Fernando (14 de novembro de 1992). "Con el Rally Mil Vistas concluye el campeonato gallego de asfalto". La Voz de Galicia (en castelán). p. 49.
- ↑ Míguez, Luis J. (19 de outubro de 1992). "Ponce siente el aliento de Puras". La Voz de Galicia (en castelán).
Véxase tamén editar
Ligazóns externas editar
- Clasificación final do rally en ewrc-results.com (en inglés).
- Reportaxe en vídeo sobre o rally en Canal 33 (en catalán).
| Predecesor: Rally da Coruña |
Campionato de Galicia de Rally Tempada 1992 |
Sucesor: Rally Mil Vistas |