Afonso

Afonso é un nome propio galego-portugués de home, que provén do xermánico Adelfuns, composto por unha raíz gótica ath-, que podería vir de hathu 'loita' e outra raíz funs (disposto, valente). En Galicia, a maior parte dos apelidos Afonso que se documentan na Idade Media foron castelanizados como Alonso durante os séculos XVI e XIX, por iso hoxe é máis frecuente como apelido a forma castelanizada cá propia. Alfonso tamén está admitida como variante; como nome persoal, espallouse en Galicia a raíz da chegada a España da dinastía dos Borbóns, no século XIX, coa adaptación da forma francesa Alphonse. Durante a Idade Media foi un dos nomes galegos máis comúns; como peculiaridade con respecto aos outros nomes, non admite sufixo patronímico -ez, co que o patronímico (actualmente apelido) é idéntico ao nome propio.

No ano 2010, 34 persoas levaban o nome como Afonso mentres a variante Alfonso, coincidente co castelán, levábana 7172 residentes.

Outras linguas

• Afonso: portugués.
• Alfonso: castelán, italiano.
• Alfons: catalán.
• Alonso: castelán.
• Alphonse: francés.

Personaxes

Relixión

• Santo Afonso Rodríguez: Tamén coñecido como Alonso Rodríguez, xesuíta español.
• Santo Afonso Mª Liguori: misioneiro e teólogo italiano.
• Afonso, bispo de Ourense: do século XII.

Aristocracia (Reis)

• Afonso I, o Católico (ou tamén Alonso I de Asturias). Rei de Galicia e de Asturias (739-757).
• Afonso I, o Batallador. Rei de Aragón e de Navarra (1104-1134).
• Afonso I: de Cataluña e de Valencia -> véxase Afonso II de Aragón.
• Afonso I: Rei de Mallorca, Sicilia e Nápoles -> véxase Afonso V de Aragón
• Afonso I ou (Afonso Henriques) (1109-1185) foi o primeiro rei de Portugal; coñecido como o conquistador ou o Bravo.
• Afonso I, coñecido como rei do Congo -> véxase Afonso III de Aragón.
• Afonso I ou Mbemba-a-Nzinga. Rei do Congo, máis coñecido co sobrenome de Mbemba.
• Afonso II, o Groso. Rei de Portugal
• Afonso II, o Casto. Rei de Galicia e Asturias.
• Afonso II, o Casto. Rei de Aragón (1154 - 1196)
• Afonso II, Rei de Nápoles.
• Afonso II de Cataluña: -> véxase Afonso III de Aragón.
• Afonso II de Valencia -> véxase Afonso IV de Aragón.
• Afonso III: o Grande ou o Magno. Rei de Galicia, Asturias e León.
• Afonso III, o Liberal ou o Franco. Rei de Aragón (1265 - 1291).
• Afonso III de Cataluña: -> véxase Afonso IV de Aragón.
• Afonso III de Valencia: -> véxase Afonso V de Aragón.
• Afonso III, o Reformador. Rei de Portugal (1210 - 1279).
• Afonso IV, o Monxe. Rei de Asturias, León e Galicia (925 - 930).
• Afonso IV, o Bravo. Rei de Portugal.
• Afonso IV, o Bon ou o Benigno. Rei de Aragón e conde de Barcelona (1299 - 1336).
• Afonso IV de Cataluña: -> véxase Afonso V de Aragón.
• Afonso V, o Magnánimo, foi Afonso I de Mallorca, Sicilia e Nápoles.
• Afonso V, o Nobre ou O dos bos foros Rei de León e Galicia (994 - 1028).
• Afonso V, o Africano, Rei de Portugal (1432 - 1481).
• Afonso VI, Rei de Portugal (1643 - 1683).
• Afonso VI, o Valente. Rei de Castela, León e Galicia (1040 - 1109).
• Afonso VII, Rei de Galicia, Castela e León (1105 - 1157).
• Afonso VIII, Rei de Castela (1155 - 1214).
• Afonso VIII: Rei de Galicia e León (1171 - 1230)
• Afonso IX, Rei de León e Castela (1265 - 1291).
• Afonso X, o Sabio. Rei de Castela e León (1221 - 1284)
• Afonso XI, o Xusticeiro. Rei de Castela e León (1311 - 1350)
• Afonso XII, Rei de España (1857 - 1885).
• Afonso XIII, Rei de España (1886 - 1941).
• Afonso de Castela: Infante de Castela (1453 - 1468)
• Afonso Sanches: Infante de Portugal e trobador (1289 - 1329)
• Afonso Carlos: Pretendente carlista o trono de España baixo o nome de Afonso Carlos I
• Afonso Enríquez: Nobre e poeta castelán (1354 - 1429).

Personalidades

Respéctase o nome de procedencia de orixe (Castelán, galego, inglés, francés etc...)

• Alfonso Álvarez Cáccamo: escritor galego.
• Alfonso Álvarez de Villasandino: poeta castelán.
• Afonso Lopez de Baian: trobador portugués da mediardes do século XIII.
• Alfonso Cabeza: cirurxián e expresidente de fútbol español.
• Afonso Eanes do Coton: xograr e trobador de orixe galega.
• Afonso Fernández Cebolhilha: trobador galaico portugués.
• Afonso Fernández Cubel: trobador de orixe portuguesa dos séculos XIII - XIV.
• Alfonso Fuentes Barragan: revolucionario mexicano.
• Afonso Gómez: ou Afonso Alvaro Gomez, trobador de orixes descoñecidas, crese que puidese ser de Castela.
• Alfonso Gayoso Frías: escritor galego.
• Alfonso Guerra: político español.
• Alfonso Hernández Catá: escritor cubano.
• Alfonso Lopes Vieira: poeta portugués.
• Afonso Lopez de Baian: trobador portugués do século XIII.
• Afonso Mendez de Besteiros: trobador portugués do século XIII.
• Afonso Páez de Braga: trobador portugués do século XIII.
• Alfonso Pons: coñecido co alcume de "Sito Pons", corredor español de motociclismo.
• Alfonso Portillo Cabrera: político de Guatemala.
• Alfonso Penela:arquitecto galego
• Alfonso Reyes: escritor mexicano.
• Alfonso Rodríguez Castelao (ou Alfonso Daniel Rodríguez Castelao): escritor e debuxante galego.
• Alfonso Sastre: escritor e dramaturgo español.
• Afonso Soarez Sarraça, ou Alonso Soarez Sança: trobador galego.
• Alfonso Ungria: actor español.
• Alfonso Valdés (ou Alfonso de Valdés): escritor español.
• Afonso dos Santos, pseudónimo de José Manuel Cerqueira: Cantautor portugués.

Véxase tamén

Outros artigos

• Alonso
• Lista de nomes masculinos en galego.

Bibliografía

• Ferro Ruibal, Xesús (dir.). Diccionario dos nomes galegos (en galego) (1ª ed.). Vigo: Ir Indo. p. 664. ISBN 84-7680-096-7. 
• Piel, Joseph e, Kremer, Dieter. Carl Winter, ed. Hispano-gotisches namenbuch (en alemán) (1ª ed.). Heidelberg. p. 397.