Río Zidacos
O Zidacos (en éuscaro: Zidakos) é un pequeno río que discorre pola zona media de Navarra. Nace na serra de Alaitz, na parte alta do norte da Valdorba e, despois de atravesar cidades como Tafalla e Olite, desemboca no río Aragón, moi preto de Caparroso. No tramo alto do seu percorrido, dende o seu nacedoiro e ata o seu paso por Untzue, é coñecido como regueiro Artusia.
| Río Zidacos | |
|---|---|
 O Zidacos ao seu paso por Garínoain. | |
| País | España |
| Altitude | 945 msnm |
| Lonxitude | 44 km |
| Conca | 120 km² |
| Desembocadura | Río Aragón |
A súa achega media anual é de 91 hm³. Ten como afluentes os regueiros Mairaga e Sánsoain. No termo municipal de Garínoain conflúe co río Zenborrain, que contribúe en boa parte ao seu caudal. O anteriormente mencionado regueiro de Mairaga é represado na súa parte máis alta, moi preto de Bariain, no municipio de Oloritz, para formar o encoro de Mairaga que abastece de auga potable a Mancomunidade de Mairaga.
Como curiosidade, cabe mencionar que existe na Rioxa outro río homónimo, pero con diferente grafía, o río Cidacos.
Véxase tamén editar
Bibliografía editar
- Gobierno de Navarra (2000). Ríos de Navarra. NILSA. ISBN 84-235-2013-7.