Xosé Emilio Barros Bello
Xosé Emilio Barros Bello nado en Queimadelos (Mondariz) en 1967,[1] é un político galego do BNG.
| Biografía | |
|---|---|
| Nacemento | 1967  (56/57 anos)Queimadelos, España |
 Alcalde de Mondariz | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
Traxectoria editar
Delegado comercial. Foi cofundador da Asociación Veciñal Carballo da Armada. Foi vogal da Xunta Veciñal de Queimadelos. En 2007 foi elixido concelleiro BNG en Mondariz, tras formar parte da candidatura encabezada por Xoán Carlos Montes Bugarín. En 2011 volveu a ser elixido concelleiro, pasando a ser portavoz municipal e único representante da formación en abril de 2012 trala marcha dos outros 4 edís nacionalistas da formación, encabezados polo ata entón candidato Montes Bugarín. Nas eleccións municipais de 2015 encabezou a candidatura do BNG e logrou 2 concelleiros, sendo a terceira forza política do concello tras Alternativa por Mondariz (formada polos seus excompañeiros de filas e que logrou a alcaldía) e o PPdeG. Desta forma situouse na oposición.
Nas eleccións municipais de 2019 encabezou novamente a candidatura do BNG e nesta ocasión foi a segunda máis votada, con tres concelleiros. Foi elixido alcalde o 15 de xuño grazas ós votos do PSdeG-PSOE e do PPdeG, con quen non se fixo ningunha negociación[2], pasando a formar un goberno de coalición co PSdeG. Isto provocou o desaloxo do goberno do anterior alcalde, o seu excompañeiro Xoán Carlos Montes Bugarín, que se presentara novamente por Alternativa por Mondariz e que volvera ser a formación máis votada. Nas municipais de 2023 encabezou de novo a candidatura do BNG e perdeu a alcaldía tras pasar a ser a terceira forza política, con 2 concelleiros, e ó non recibir desta volta os apoios de populares e socialistas, Xoán Carlos Montes Bugarín recuperou a alcaldía como candidato da forza máis votada.
| Predecesor: Xoán Carlos Montes Bugarín |
 Alcalde de Mondariz 2019 - 2023 |
Sucesor: Xoán Carlos Montes Bugarín |
Notas editar
- ↑ O BNG confirma a Xosé Emilio Barros como candidato á alcaldía en Mondariz
- ↑ Porto=, Gabino (16 de xuño de 2019). Faro de Vigo, ed. "El Bloque se queda con la alcaldía de Mondariz con el apoyo del PP". Consultado o 17 de xuño de 2019.