Xenoturbélidos

Os xenoturbélidos (Xenoturbellida) son un filo de animais bilaterais vermiformes, mariños, de posición taxonómica incerta, que comprende unha soa familia, do mesmo nome vulgar galego (cientificamente, Xenoturbellidae), cun único xénero, Xenoturbella, con tan só dúas especies.

Foron descubertos en 1949, ano en que foron clasificados como turbelarios primitivos e peculiares.

Estudos do seu ADN realizados en 2003 reclasificáronos como primitivos deuteróstomos fóra dos filos previamente coñecidos (Bourlat et al., 2003).

Previamente xa foran relacionados cos moluscos (Noren & Jondelius, 1997), pero obxetouse que o ADN fora contaminado co dos moluscos dos que se alimentaban. (Bourlat et al., 2003).

Estes primeiros resultados foron recentemente corroborados. O xénero considérase agora o único membro do seu propio filo, Xenoturbellida (Haszprunar et al., 1991; Bourlat et al. (2006):).

Características

Xenoturbella ten un plan corporal moi simple. Carece de cerebro, de tubo dixestivo, de gónadas (pero si produce gametos; os ovos e os embrións prodúcense nos folículos), e de calquera outro órgano definido, a excepción dun estatocisto provisto de células flaxeladas. Ten cilios e un sistema nervioso difuso. A súa lonxitud alcanza os 4 cm. Encontráronse frote ás costas de Suecia, Escocia e Islandia.

Especies

O xénero Xenoturbella inclúe dúas especies:

• Xenoturbella bocki
• Xenoturbella westbladi

Véxase tamén