William Toby White
William Toby White é un ictiólogo australiano.
| Biografía | |
|---|---|
| Nacemento | 1977  (46/47 anos) |
| Datos persoais | |
| País de nacionalidade | Australia |
| Formación profesional | Doutor en Ciencias Biolóxícas |
| Educación | Universidade Murdoch (pt)  |
| Actividade | |
| Ocupación | biólogo , ictiólogo |
| Empregador | Investigador do CSIRO Oceans and Atmosphere de Australia |
Traxectoria editar
White recibiu o título de BSc (bacharelato en Ciencias) en 1997 e o de doutoramento en Ciencias Biolóxicas en 2003 na Universidade de Murdoch, de Perth, Australia.
Na súa tese de doutoramento, "Aspects of the biology of elasmobranchs in a subtropical embayment in Western Australia and of chondrichthyan fisheries in Indonesia", examinou
1. A distrinución espacial dos recursos alimentarios dispoñíbeis para as especies de tiburóns e raias nas costas de Australia e,
2. As frecuencias relativas destas especies capturadas nas pesqueiras nas costas do sueste de Indonesia.[1]
De 2004 a 2006 realizou a súa formación posdoutoral, tamén na Universidade de Murdoch.
White centrou os seus estudos na especiación e a biodiversidade das especies de tiburóns e raias (subclase dos elasmobranquios) a través da sistemática morfolóxica e molecular.[2]
Desde 2006, White traballa como ictiólogo na Australian National Fish Collection, que forma parte das instalacións de investigacións mariñas e atmosféricas CSIRO en Hobart, a capital do estado australiano de Tasmania.
A partir de 2014 foi o autor de polo menos 137 publicacións, que foron citadas polo menos 1767 veces.[3]
Describiu máis de 50 novas especies de tiburóns e raias, así como 7 novos peixes teleósteos en publicacións das que foi autor ou coautor,[4] incluíndo o descubrimento e nomeamento da especie de tiburón Squalus formosus.[5]
Outra área de interese das súas investigacións é a xestión pesqueira dos países en desenvolvemento, particularmente en Papúa Nova Guinea e no arquipélago indonesio.[4]
Desde 2011 é o editor da revista Ichthyological Research.[6]
Abreviatura editar
A abreviatura White emprégase para recoñecer a William Toby White como autoridade na descrición e taxonomía en bioloxía.
Notas editar
- ↑ White, William Toby (2003): Aspects of the biology of elasmobranchs in a subtropical embayment in Western Australia and of chondrichthyan fisheries in Indonesia. Murdoch University.
- ↑ Dr Will White. Ichthyologist en csiro.au
- ↑ William White. CSIRO Marine & Atmospheric Research Google Scholars. Conssultado o 7 de abril de 2022.
- ↑ 4,0 4,1 Publicacións de William Toby White en ResearchGate. Conssultado o 7 de abril de 2022.
- ↑ Roach, John (2011): "New Shark Species Found in Food Market". National Geographic. Conssultada o 7 de abril de 2022.
- ↑ [https://www.springer.com/journal/10228/editors Ichthyological Research.