Wikipedia:Artigo destacado/xaneiro 2011

Harry Potter é o nome dunha serie de sete novelas de fantasía e maxia escritas pola británica J. K. Rowling. Os libros narran as aventuras que vive o meigo adolescente Harry Potter xunto con Ron Weasley e Hermione Granger, os seus amigos da Escola Hogwarts de Maxia e Feiticería, un castelo situado entre montañas, onde os xoves meigos estudan e desenvolven a súa maxia aprendendo feitizos e apócemas. A trama central do argumento xira en torno á loita e os enfrontamentos que Harry ten co meigo malvado Lord Voldemort.