Wikipedia:Artigo destacado/agosto 2008

O mascato (Morus bassanus, antes Sula bassana) é unha ave do tamaño aproximado dun ganso que forma grandes colonias de ata varios miles de parellas. As aves adultas pesan entre 3 e 4 quilos. O corpo mide entre 87 e 100 centímetros de lonxitude e teñen unha envergadura de ás de 165 a 180 cm. As ás, longas e estreitas, miden entre 47 e 53 cm e o bico de 9 a 11 (medido dende a testa). Non presenta dimorfismo sexual.