Voo 967 de Varig
O voo 967 de Varig era un servizo de carga internacional entre o aeroporto internacional de Narita, Toquio, e o aeroporto do Río de Xaneiro-Galeão, cunha escala no aeroporto dos Ánxeles. O día 30 de xaneiro de 1979 o Boeing 707-323C que realizaba a ruta que desapareceu e nin o avión nin a súa tripulación foron atopados.
| Voo 967 de Varig | |
|---|---|
 Boeing 707 semellante ao accidentado
| |
| Resumo | |
| Data | 30 de xaneiro de 1979 |
| Causa | desaparición |
| Lugar | océano Pacífico |
| Coordenadas | |
| Orixe | aeroporto de Narita |
| Primeira escala | aeroporto dos Ánxeles |
| Destino | aeroporto do Río de Xaneiro-Galeão |
| Finados | 6 (supostamente) |
| Aeronave | |
| Tipo de aeronave | Boeing 707-323C |
| Operador | Varig |
| Rexistro | PP-VLU |
| Tripulación | 6 |
| Superviventes | 0 (supostamente) |
Avión editar
O aparello accidentado era un Boeing 707-323C, número de construción 19235 e número de liña 519, entregado novo a American Airlines co rexistro N7562A o 31 de agosto de 1966. O avión foi vendido a Varig e entregado á aeroliña como PP-VLU o 28 de marzo de 1974. O avión estaba equipado con catro motores Pratt & Whitney JT3D-3B.[1]
Tripulación editar
A tripulación estaba formada polo capitán Captain Gilberto Araújo da Silva, de 55 anos, o primeiro oficial Erni Peixoto Mylius, de 45, os segundos oficiais Antonio Brasileiro da Silva Neto, 39, e Evan Braga Saunders, 37, e os enxeñeiros de voo José Severino Gusmão de Araújo, 42, e Nicola Exposito, 40.[2]
No ano 1973, o Captain Araújo da Silva estaba ao mando do voo 820 de Varig, un Boeing 707 que transportaba a 134 persoas que se esnafrou preto do aeroporto de París-Orly, morrendo 123 dos seus ocupantes.[3] En 1979, no momento da súa desaparición, acumulaba máis de 23 000 horas de voo.[4][2]
Accidente editar
O 30 de xaneiro de 1979 o Boeing 707-323C con rexistro PP-VLU desapareceu en ruta entre o aeroporto internacional de Narita e o aeroporto do Río de Xaneiro-Galeão.
O avión de carga, operado pola aeroliña brasileira Varig, engalara ás 20:23 de Narita e a súa última comunicación por radio produciuse ás 20:45. A tripulación debería terse comunicado novamente ás 21:23pero non o fixo. O contacto por radio perdeuse abruptamente a uns 200 km leste-nordeste de Toquio.[5]
A carga destacaba por levar 53 pinturas do artista Manabu Mabe que regresaban dunha exposición na capital xaponesa. O cadros estaban valorados na época en 1,24 millóns de dólares. Ningún resto do aparello ou do seu contido sería atopado.[5][6]
Notas editar
- ↑ "PP-VLU - Boeing 707-323C - 19235". JetPhotos (en inglés). Consultado o 2021-11-27.
- ↑ 2,0 2,1 "Especial Gilberto Araújo" (PDF). A União. Arquivado dende o orixinal (PDF) o 29 de novembro de 2021. Consultado o 27 de novembro de 2021.
- ↑ Ranter, Harro. "ASN Aircraft accident Boeing 707-345C PP-VJZ Paris-Orly Airport (ORY)". aviation-safety.net. Consultado o 2021-11-27.
- ↑ História, Tok De. "Comandante Gilberto Araujo da Silva". TOK de HISTÓRIA (en portugués). Consultado o 2021-11-27.
- ↑ 5,0 5,1 Ranter, Harro. "ASN Aircraft accident Boeing 707-323C PP-VLU Tokyo, Japan". aviation-safety.net. Consultado o 2021-11-29.
- ↑ "Boeing da Varig desapareceu há 35 anos e jamais foi encontrado". noticias.uol.com.br (en portugués). Consultado o 2021-11-29.