Voo 708 de Garuda Indonesia

O voo 708 de Garuda Indonesia Airways era un voo regular de pasaxeiros que o 16 de febreiro de 1967 se esnafrou ao aterrar no aeroporto Sam Ratulangi en Manado, Indonesia. 22 dos 84 pasaxeiros a bordo morreron. Os oito membros da tripulación sobreviviron.

Voo 708 de Garuda Indonesia
Lockheed L-188A semellante ao do accidente
Resumo
Data	16 de febreiro de 1967
Causa	erro do piloto, mal tempo
Lugar	aeroporto Sam Ratulangi
Coordenadas
Orixe	aeroporto de Kemayoran
Derradeira escala	aeroporto Sultán Hasanuddin
Destino	aeroporto Sam Ratulangi
Finados	22
Aeronave
Tipo de aeronave	Lockheed L-188 Electra
Operador	Garuda Indonesia
Rexistro	PK-GLB
Pasaxeiros	84
Tripulación	8
Superviventes	70

Accidente

O voo 708 saíu de Iacarta cara a Manado con escalas en Surabaya e Makassar. Na segunda parte do voo o mal tempo en Makassar forzou a tripulación a regresar a Surabaya. O voo continuou o día seguinte cara a Makassar e Manado. O tempo en Manado tiña unha base de nubes a 900 pés e 2 km de visibilidade. Fíxose unha aproximación á pista 18, pero tras pasar un outeiro 200 pés por riba da elevación da pista a 2 720 pés de distancia do seu limiar, o piloto decatouse de que ía demasiado alto e estaba á esquerda do eixo da pista. O piloto baixou o morro e virou cara á dereita para interceptar a senda de aterraxe. A velocidade decreceu por debaixo dos 125 nós que tiña o avión de límite cando aínda viraba á dereita, aterrando duramente 156 pés antes do limiar da pista. O tren de aterraxe colapsou e o avión esvarou e incendiouse.

Determinouse que a causa probable do accidente foi unha técnica de aterraxe incómoda que resultou nunha taxa excesiva de caída na manobra. Entre os factores que contribuíron estaban o pavimento desigual da pista e a meteoroloxía no momento da aterraxe.