Voo 705 de Federal Express

O voo 705 de Federal Express foi un McDonnell Douglas DC-10-30 de carga que transportaba equipos electrónicos dende Memphis, Tennessee ata San Jose, California que intentou ser secuestrado o 7 de abril de 1994 por Auburn Calloway, que supostamente quería suicidarse. Calloway, un empregado de Federal Express, enfrontábase a un posible despedimento por mentir sobre as súas horas de voo. Embarcou no avión voando gratis levando unha funda de guitarra que ocultaba varios martelos e un arpón. A súa intención era apagar a gravadora de voces de cabina antes da engalaxe e, unha vez no aire, matar os tripulantes cos martelos para que as súas feridas parecesen provocadas por un accidente en vez de por un secuestro. Porén, a CVR foi encendida novamente polo enxeñeiro de voo, crendo que se esquecera de encendela.

Voo 705 de Federal Express
O avión do incidente en 1986
Resumo
Data	7 de abril de 1994
Causa	secuestro
Lugar	Memphis, Tennessee
Coordenadas
Orixe	aeroporto de Memphis
Destino	aeroporto de San Jose
Feridos	4
Aeronave
Tipo de aeronave	McDonnell Douglas DC-10-30
Operador	Federal Express
Rexistro	N306FE
Pasaxeiros	1 (secuestrador)
Tripulación	3
Superviventes	4

Calloway intentou usar o arpón como último recurso. Planeaba esnafrar o avión agardando que parecese un empregado morto nun accidente. Intentaba deixar a súa familia cobrar unha póliza de vida de 2,5 millóns de dólares proporcionada por Federal Express. Os esforzos de Calloway de matar os tripulantes non tiveron éxito. A pesar de estar gravemente feridos, os tripulantes loitaron, someteron a Calloway, e aterraron con seguridade o avión.

Durante o seu xuízo, afirmou que estaba mentalmente enfermo, pero sen éxito. Foi condenado por múltiples cargos, incluído intento de asasinato, intento de piratería aérea, e interferencia coas operacións da tripulación de voo. Recibiu dúas condenas de cadea perpetua consecutivas. Calloway apelou con éxito a condena por interferencia, que se ditaminou como unha ofensa menor de intento de piratería aérea.