Voo 676 de China Airlines
O voo 676 de China Airlines era un servizo regular internacional de pasaxeiros que se esnafrou nunha estrada e nunha zona residencial de Tayuan, preto do aeroporto internacional Chiang Kai-shek (no presente aeroporto internacional de Taiwán Taoyuan), en Taiwán na noite do luns 16 de febreiro de 1998.
| Voo 676 de China Airlines | |
|---|---|
 A300 semellante ao do accidente
| |
| Resumo | |
| Data | 16 de febreiro de 1998 |
| Causa | mala meteoroloxía e erro do piloto |
| Lugar | Taoyuan, Taiwán |
| Coordenadas | Coordenadas: 25°05′29″N 121°13′50″L / 25.0915, 121.2305 |
| Orixe | aeroporto Ngurah Rai |
| Destino | aeroporto Chiang Kai-shek |
| Finados | 203 |
| Aeronave | |
| Tipo de aeronave | Airbus A300B4-622R |
| Operador | China Airlines |
| Rexistro | B-1814 |
| Pasaxeiros | 182 |
| Tripulación | 14 |
| Superviventes | 0 |
O Airbus A300 que realizaba o voo estaba en ruta dende o aeroporto Ngurah Rai en Balí a Taipei. Cando o avión se aproximaba ao aeroporto Chiang Kai-shek o tempo era malo, con chuvia e néboa, polo que o piloto executou unha aproximación errada. Despois de que o reactor fose autorizado a aterrar na pista 05L, o piloto automático foi desconectado, e os pilotos intentaron entón un go-around manual. O avión decelerou, inclinouse 40º cara a arriba, chegou aos 1 000 pés (300 m), entrou en perda, e esnafrouse contra unha veciñanza residencial, incendiándose ás 4:20 PM hora local. Ás 196 persoas a bordo morreron, entre as que estaban o gobernador do banco central de Taiwán Sheu Yuan-dong, xunto con sete persoas en terra.[1] Hsu Lu, o xerente da emisora de radio Voice of Taipei, dixo que un neno fora sacado con vida do avión e que posteriormente morreu.[1]
É o peor accidente de aviación no terridorio de Taiwán e o quinto dun Airbus A300. China Airlines tiña 12 A300 na súa frota no momento do accidente. Tamén é o segundo accidente de avión con máis vítimas mortais da historia de Taiwán despois do voo 611 de China Airlines, un Boeing 747-209B que se esnafrou no estreito de Taiwán con 225 mortes.