Voo 548 de Sabena
O voo 548 de Sabena foi un accidente dun Boeing 707 de Sabena, con rexistro OO-SJB, que se esnafrou na ruta entre Nova York e Bruxelas o 15 de febreiro de 1961, matando os 72 ocupantes do avión e 1 persoa en terra.[1] Entre os mortos estaba todo o equipo estadounidense de patinaxe que se dirixía ao campionato do mundo en Praga.[2][3] A pesar de facerse unha investigación, a causa precisa do accidente segue sendo un misterio; a explicación máis probable é que houbese un fallo no mecanismo de axuste do estabilizador de cola.[4]
| Voo 548 de Sabena | |
|---|---|
 Boeing 707 de Sabena semellante
ao do accidente | |
| Resumo | |
| Data | 15 de febreiro de 1961 |
| Causa | perda de control debido a un posible fallo mecánico |
| Lugar | preto de Bruxelas |
| Coordenadas | Coordenadas: 50°55′15″N 4°31′36″L / 50.920888888889, 4.5267777777778 |
| Orixe | aeroporto internacional Idlewild |
| Destino | aeroporto de Bruxelas |
| Finados | 73 (todos a bordo e 1 en terra) |
| Aeronave | |
| Tipo de aeronave | Boeing 707-329 |
| Operador | Sabena |
| Rexistro | OO-SJB |
| Pasaxeiros | 61 |
| Tripulación | 11 |
| Superviventes | 0 |
O voo orixinouse no aeroporto internacional Idlewild (agora aeroporto internacional John F. Kennedy)[5] e estrelouse na aproximación ao aeroporto de Bruxelas. O accidente foi o primeiro con vítimas mortais dun Boeing 707 en servizo regular de pasaxeiros, 28 meses despois da súa entrada en servizo. Tamén é o peor accidente de aviación ocorrido en Bélxica.[4]
Notas editar
- ↑ "The Brussels Tragedy". Flight International. Consultado o 2018-12-07.
- ↑ "Air Crash Fatal to 73 Is Probed – Jet's Plunge Kills Skaters". The Spokesman. Consultado o 2018-12-07.
- ↑ "OTL: An enduring legacy for ice skating". ESPN.com (en inglés). Consultado o 7-12-2018.
- ↑ 4,0 4,1 Ranter, Harro. "ASN Aircraft accident Boeing 707-329 OO-SJB Brussel-Zaventem Airport (BRU)". aviation-safety.net. Consultado o 2018-12-07.
- ↑ "Jet Crash Wipes Out U.S. Skate Team". The Spokesman. Consultado o 2018-12-07.