Voo 4128 de Alitalia
O voo 4128 de Alitalia era un servizo regular entre o aeroporto Leonardo da Vinci de Roma e o aeroporto de Palermo con 129 persoas a bordo. O día 23 de decembro de 1978 esnafrouse no mar Tirreno a uns 3 quilómetros ao norte de Palermo durante a aproximación. O accidente atribuíuse á tripulación de voo que cría que estaba máis preto da pista do que realmente estaba, realizando así un descenso prematuro. A parte inicial da aproximación foi instrumental ata que o aparello estivo a 2 millas do aeroporto. A tripulación entón parou o descenso a 150 pés sobre o nivel do mar, como se tratase de localizar a área de aproximación final, pensando que estaban preto da pista debido ás luces do aeroporto. Nos últimos nove segundos o avión voou case ao nivel do mar a unha velocidade de 150 nós; entón, debido ao vento, o avión perdeu altitude e impactou contra a auga coa súa á dereita. 21 pasaxeiros sobreviviron e foron rescatados por barcos de pesca que se atopaban na zona.[1]
| Voo 4128 de Alitalia | |
|---|---|
 O avión do accidente
| |
| Resumo | |
| Data | 23 de decembro de 1978 |
| Causa | erro do piloto |
| Lugar | mar Tirreno, preto de Palermo |
| Coordenadas | Coordenadas: 38°12′28″N 13°06′32″L / 38.20777778, 13.10888889 |
| Orixe | aeroporto Leonardo da Vinci |
| Destino | aeroporto de Palermo |
| Finados | 108 |
| Feridos | 21 |
| Aeronave | |
| Tipo de aeronave | McDonnell Douglas DC-9-32 |
| Operador | Alitalia |
| Rexistro | I-DIKQ |
| Pasaxeiros | 124 |
| Tripulación | 5 |
| Superviventes | 21 |
Entre os mortos estaba o artista neerlandés Max Reneman.
Notas editar
- ↑ Ranter, Harro. "ASN Aircraft accident McDonnell Douglas DC-9-32 I-DIKQ Palermo". aviation-safety.net. Arquivado dende o orixinal o 19 de marzo de 2011. Consultado o 2018-12-18.