Vincent Nichols
Vincent Gerard Nichols, nado o 8 de novembro de 1945 en Crosby, Merseyside (Inglaterra), é un cardeal da Igrexa católica, arcebispo de Westminster e Presidente da Conferencia dos Bispos Católicos de Inglaterra e Gales. Anteriormente foi arcebispo de Birmingham, entre 2000 e 2009. O 22 de febreiro de 2014 o papa Francisco creouno cardeal.
| Vincent Nichols | |
|---|---|
 | |
| Cardeal da Igrexa católica | |
| Biografía | |
| Nacemento | 8 de novembro de 1945 en Crosby, Merseyside, Inglaterra |
| Ordes | |
| Ordenación sacerdotal | 21 de novembro de 1969, por Paul Casimir Marcinkus |
| Consagración episcopal | 24 de xaneiro de 1992, por George Basil Hume |
| Creado cardeal | 22 de febreiro de 2014, por Francisco |
| Arcebispo de Westminster | |
| 2009 - actualidade | |
| Predecesor | Cormac Murphy-O'Connor |
| Outros | |
 Escudo de Vincent Nichols | |
| Fortis ut mors dilectio | |
Traxectoria Editar
Naceu o 8 de novembro de 1945 en Crosby. Foi ordenado sacerdote da diocese de Liverpool o 21 de decembro de 1969 en Roma polo bispo Paul Casimir Marcinkus.
O 5 de novembro de 1991 o papa Xoán Paulo II nomeouno bispo auxiliar de Westminster e bispo titular de Othona. Recibiu a consagración episcopal o 24 de xaneiro de 1992 na catedral arquidiocesana de mans do cardeal George Basil Hume.
O 15 de febreiro de 2000 foi nomeado arcebispo de Birmingham.
O 3 de abril de 2009 o papa Bieito XVI nomeouno arcebispo de Westminster.
No consistorio do 22 de febreiro de 2014 o papa Francisco creouno cardeal co título de cardeal-presbítero do Santísimo Redentor e Santo Afonso in Via Merulana.