Vegaøyan
Vegaøyan ou Arquipélago Vega é un grupo de illas no Mar de Noruega correspondentes aproximadamente ao concello de Vega. Desde 2004, é Patrimonio da Humanidade da UNESCO. Este cúmulo de ao redor de 6.500 pequenas illas no condado de Nordland, xusto ao sur do círculo polar ártico, rodea a principal illa Vega e está habitada desde a Idade de Pedra. Outras illas do grupo inclúen Igerøya, Ylvingen e Søla.
| Vegaøyan - Arquipélago de Vega | |
|---|---|
 Arquipélago Vega | |
  Vegaøyan | |
| Patrimonio da Humanidade - UNESCO | |
| País |  Noruega |
| Localización | Nordland, Noruega |
| Tipo | Cultural |
| Criterios | V |
| Inscrición | 2004 (28ª sesión) |
| Rexión da UNESCO | Europa e América do Norte |
| Identificador | 1143bis |
Descrición editar
As illas testemuñan un estilo de vida frugal distintivo baseado na pesca e a colleita do penuxe do pato eider nun ambiente inhóspito. Hai vilas mariñeiras, peiraos, casas de eider (construídas para que aniñen os patos eider), terras de cultivo e faros. Hai evidencias de asentamento humano a partir da Idade de Pedra en diante. No século IX, as illas convertéronse nun importante centro para o abastecemento de penuxe, que parece ter representado ao redor dun terzo dos ingresos das illas.
O arquipélago de Vega reflicte o xeito no que as xeracións de pescadores/labregos mantiveron, durante os últimos 1500 anos, unha vida sostible nunha paisaxe mariña inhóspita preto do círculo polar ártico, baseada na práctica agora única de coller penuxe de eider e tamén celebra a contribución feita polas mulleres a producir edredóns.[1]
O acceso ao arquipélago faise en transbordador ou barco rápido desde a cidade de Brønnøysund no municipio de Brønnøy, á que se pode acceder por avión ou por estrada.
Área importante de aves editar
O arquipélago identificouse como Área importante de aves por BirdLife International porque soporta poboacións de ganso bravo e ganso sangano, eider común, movella grande, corvo mariño grande, corvo mariño cristado, pigargos, Pilro escuro e arao de á branca.[2]
Notas editar
- Referencias
- ↑ "Vegaøyan -- The Vega Archipelago". UNESCO. Consultado o 2011-11-10.
- ↑ "Vega archipelago". Important Bird Areas factsheet. BirdLife International. 2013. Consultado o 2013-08-22.
Véxase tamén editar
Wikimedia Commons ten máis contidos multimedia na categoría: Vegaøyan  |
Ligazóns externas editar
- Breve descrición de Vegaøyan pola UNESCO
- Sitio web oficial Arquivado 09 de decembro de 2013 en Wayback Machine.