Vasyl Lomachenko

boxeador ucraíno

Vasyl Anatoliiovich Lomachenko (en ucraíno: Василь Анатолійович Ломаченко), nado o 17 de febreiro de 1988, é un boxeador ucraíno profesional, actual campión mundial dos pesos pluma da OMB e campión nos Xogos Olímpicos de Pequín 2008 e Londres 2012.

Vasyl Lomachenko
Lomachenko coa selección de Ucraína
Información persoal
AlcumeHi-Tech
NacionalidadeUcraína Ucraína
Nacemento17 de febreiro de 1988 (36 anos)
Bilhorod-Dnistrovskyi, R.S.S. de Ucraína, Unión Soviética Unión Soviética
Alma materK. D. Ushynsky South Ukrainian National Pedagogical University
Altura1,67 m
Deporte
PaísUcraína
DeporteBoxeo
Na rede
http://lomachenko.com
IMDB: nm5263899 Facebook: VasylLomachenko Twitter: vasyllomachenko Instagram: lomachenkovasiliy Olympic.org: vasyl-lomachenko Editar o valor em Wikidata
editar datos en Wikidata ]
Cadro de medallas
Competindo para Ucraína Ucraína:
Xogos Olímpicos
Ouro Beijing 2008 Boxeo, peso pluma
Ouro Londres 2012 Boxeo, peso lixeiro
Campionato Mundial de Boxeo Afeccionado
Prata Chicago 2007 Boxeo, peso pluma
Ouro Milán 2009 Boxeo, peso pluma
Ouro Bakú 2011 Boxeo, peso lixeiro
Campionato Europeo de Boxeo Afeccionado
Ouro Liverpool 2008 Boxeo, peso pluma

Carreira como afeccionado editar

No Campionato Mundial de Boxeo Afeccionado de 2007, Lomachenko acadou a medalla de prata tras perder na final contra Albert Selimov, vencendo a Abner Cotto na primeira rolda e a Theodoros Papazov, Mikhail Bernadski, Arturo Santos Reyes e Li Yang en roldas posteriores.

A súa primeira medalla olímpica foi a conseguida nas Olímpiadas de Pequín 2008, vencendo a todos os seus opoñentes, incluído Selimov, a quen derrotou na primeira rolda, e gañando o Trofeo Val Barker.

Nas olimpíadas de Londres 2012, Lomachenko gañou a súa segunda medalla de ouro consecutiva derrotando na final ao surcoreano Han Soon-Chul. Lomachenko finalizou a súa carreira como afeccionado cun impresionante récord de 396-1, perdendo só ante Albert Selimov.

Carreira profesional editar

Despois de gañar a súa segunda medalla olímpica de ouro, Lomachenko deu o salto ao boxeo profesional, firmando un contrato co promotor Top Rank. Fixo o seu debut profesional o 12 de outubro do 2013 contra José Ramírez.

Lomachenko vs Salido editar

Lomachenko retou no seu segundo combate profesional a Orlando Salido polo campionato de peso pluma da OMB, buscando bater o récord de Saensak Muangsurin (quen gañara o seu primeiro campionato ao teceiro combate[1]) e gañar un campionato tan só no seu segundo combate. Salido aceptou o combate e terminou gañando por decisión dos xuíces, malia a controversia do combate, tras afirmarse que o mexicano pesaba 147 libras, 11 libras máis (5 kg) que Lomachenko[2] .

Récord profesional editar

Resultado Récord Opoñente Tipo Rolda, Tempo Data Estadio, Cidade Notas
Gañado 5-1   Romulo Koasicha KO 10 (12), 2:35 07-11-2015   Thomas & Mack Center, Las Vegas, Nevada Retén o título de peso pluma da OMB
Gañado 4-1   Gamalier Rodríguez KO 9 (12), 0:50 02-05-2015   MGM Grand Garden Arena, Las Vegas, Nevada Retén o título de peso pluma da OMB
Gañado 3-1   Chonlatarn Piriyapinyo UD 12 22-11-2014   The Venetian Macao, Macau Retén o título de peso pluma da OMB
Gañado 2-1   Gary Russell Jr. MD 12 21-06-2014   StubHub Center, Carson, California Gaña o título de peso pluma da OMB
Perdido 1-1   Orlando Salido SD 12 1-03-2014   Alamodome, San Antonio, Texas Polo título de peso pluma da OMB
Gañado 1-0   José Ramírez KO 4 (10), 2:59 12-10-2013   Thomas & Mack Center, Las Vegas, Nevada Debut profesional. Gaña o título de peso pluma internacional da OMB

Notas editar

  1. BoxRec (ed.). "Saensak Muangsurin" (en inglés). Arquivado dende o orixinal o 18 de maio de 2015. Consultado o 10 de maio de 2015. 
  2. Boxing Insider (ed.). "Vasyl Lomachenko: A Star Isn’t Born" (en castelán). Consultado o 10 de maio de 2015. 

 
 Este artigo sobre deporte é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.