Abrir o menú principal

Coordenadas: 41°01′11″N 00°49′52″L / 41.01972, -0.83111

Igrexa parroquial de Vandellòs

Vandellòs é unha localidade que pertence ao concello de Vandellòs i l'Hospitalet de l'Infant, na provincia de Tarragona. É o antigo núcleo do municipio, ao que deu nome ata 1990 cando cambiou polo actual. Ten unha poboación de 946 habitantes.

Vandellòs atópase a 281 metros de altitude, xunto á estrada C-44, entre l'Hospitalet de l'Infant e Tivissa. A súa igrexa parroquial, dedicada a Sant Andreu, data de 1733 e está formada por un edificio de tres naves con cúpula de estilo renacentista. As súas festas celébranse o 26 de setembro, festividade de Sant Cosme e Sant Damià.

HistoriaEditar

Vandellòs xa aparece citado[1] en 1342 baixo o nome de Vallis Laurorumi e en 1460 como Vall de Llorer. Formou parte do concello de Tivissa e quedou integrado na baronía de Castellvell, que posteriormente quedou integrada no condado de Prades. En 1813, as tropas do mariscal Louis Gabriel Suchet saquearon a vila. En 1845 sufriu graves estragos por mor dun terremoto.[2]

NotasEditar

  1. Pagès i Paretas, Montserrat (1992). L'Abadia de Montserrat, ed. Art romànic i feudalisme al Baix Llobregat. p. 566. ISBN 8478263004. 
  2. ROSET PIÑOL, JOAQUIM (2008). Miscel·lània del CERE 19, ed. El terratrèmol de Tivissa de l'any 1845. pp. 255–264.