-
Un obxectivo importante do proxecto é aumentar o número de colaboradores, sobre todo colaboradoras, xa que así esas persoas poderán achegar os seus puntos de vista e coñecementos ós artigos aumentando a calidade dos mesmos. Decatámonos, por exemplo, que hai moi poucos usuarios rexistrados da provincia Ourense e iso queda patente na menor visibilidade dos artigos desa provincia. Por iso imos tentar facer algún evento de promoción, pero estas cousas xa requiren outro tipo de actividades que son máis complicadas que traballar a través de Internet :)
O obxectivo principal é aumentar a calidade da Galipedia. Por exemplo agora hai xente traballando nunha lista de 1.000 artigos que toda Wikipedia debería ter e que serve para medir a calidade das wikis.
Un paso importante no futuro do proxecto pasa por mellorar a presenza da Galipedia nas aulas, integrar o seu uso non só como ferramenta de consulta senón tamén como ferramenta de aprendizaxe e formación tal e como se puido ver co proxecto WikiSkills.
| 
