Tristana (filme)

Tristana é un filme de 1970 dirixido por Luis Buñuel, baseado na novela homónima de 1892 escrita por Benito Pérez Galdós. É unha coprodución entre España, Italia e Francia. Está protagonizado por Catherine Deneuve e Fernando Rey e foi rodado en Toledo, España. O filme foi nomeado ó Óscar ó mellor filme en lingua non inglesa na 43ª edición dos premios.

Tristana
Logo do filme.
Ficha técnica
Título orixinal	Tristana
Director	Luis Buñuel
Produtor	Luis Buñuel Robert Dorfmann
Guión	Luis Buñuel Julio Alejandro
Baseado en	Tristana de Benito Pérez Galdós
Intérpretes	Catherine Deneuve Fernando Rey Franco Nero Lola Gaos Antonio Casas Jesús Fernández
Fotografía	José F. Aguayo
Montaxe	Pedro del Rey
Estudio	Talía Film Época Film Selenia Cinematografica Les Films Corona
Distribuidora	Mercurio Films S.A. (España) Valoria Films (Francia) Dear Film (Italia)
Estrea	29 de marzo de 1970
Duración	100 minutos
Orixe	España Francia Italia
Xénero	Drama
Recadación	3,3 millóns de dólares
Na rede

Sinopse

A acción desenvólvese en Toledo. Ao morrer os seus pais, Tristana é confiada a don Lope, un sedutor en declive que xa pasou o seu momento, mais non é capaz de aceptar a súa caducidade. Don Lope seduce a Tristana e esta convértese na súa amante dende os dezanove anos ata os vinte e un. Ela, á que el considera a súa filla e a súa muller, pídelle que a deixe estudar música e arte para poder independizarse. Tristana namórase de Horacio, un pintor que tamén sente o mesmo por ela e acaba marchando con el a Madrid. Tristana sofre un cancro de xeonllo e como consecuencia teñen que amputarlle a perna. Horacio desinterésase por ela e Tristana volve a Toledo.

Personaxes

• Catherine Deneuve como Tristana
• Fernando Rey como Don Lope
• Franco Nero como Horacio
• Lola Gaos como Saturna
• Antonio Casas como Don Cosme
• Jesús Fernández como Saturno
• Denise Menace como Armanda
• Vicente Solar como Don Ambrosio
• José Calvo como Bellringer
• Fernando Cebrián como Dr. Miquis

Véxase tamén

Outros artigos

• Filmes de España propostos ó Óscar ó mellor filme internacional
• Filmes propostos ó mellor filme internacional na 43ª edición dos Óscar

Ligazóns externas

• Tristana na IMDb (en inglés).
• Ficha en RottenTomatoes (en inglés)