Illa Trinidad

(Redirección desde «Trinidad»)

Trinidad é unha illa do mar Caribe, a maior de Trinidad e Tobago e das Antillas Menores, e aproximadamente a unha decena de quilómetros de distancia da costa oriental de Venezuela. A capital da illa e do país é Porto España, situado no noroeste, no Golfo de Paria. A segunda cidade máis importante, San Fernando, atópase situada no suroeste.

Trinidad

Cairi
Iëre
Tukusi
La Isla de la Trinidad
Museo e Galería de Arte nacional
Localización de Trinidad
Situación
País Trinidad e Tobago
ArquipélagoAntillas Menores
MarMar Caribe
Coordenadas10°27′38″N 61°14′55″O / 10.46056, -61.24861Coordenadas: 10°27′38″N 61°14′55″O / 10.46056, -61.24861
Xeografía
Superficie4.748 km²
Longura máxima140 km.
Largura máxima97 km.
Punto máis alto940 m. Cerro Aripo
Demografía
CapitalPorto España
Poboación1.267.145 hab. (2011)
Densidade266 hab./km²
Lingua propiaInglés, Crioulo

Historia editar

Foi descuberta por Cristovo Colón o 31 de xullo de 1498 na súa terceira viaxe. En 1530 foi conquistada por España baixo a dirección de Antonio Sedeño, quen é tamén o seu primeiro gobernador, cargo que asume en 1532, pero debido á tenaz resistencia dos nativos é abandonada dous anos máis tarde.

Un século máis tarde, España estableceu misións de cristianización con pais Capuchinos. Durante o período colonial español a illa, coñecida por Trinidad de Barlovento, é dependente da Real Audiencia de Santo Domingo, á súa vez dentro da xurisdición do Vicerreinado da Nova España.

No ano 1640 a illa rexeita un intento de invasión dos Países Baixos e en 1677 outro de Francia.

En 1797, durante unha de guerra entre España e o Reino Unido, unha frota inglesa ataca a illa e obtén a rendición do seu Gobernador.[1] Tras o Tratado de Amiens en 1802 anéxase a illa, e a cal unirá posteriormente á illa de Tobago nunha soa colonia denominada Trinidad e Tobago.

 

Notas editar

  1. "Railroad Map of Trinidad". World Digital Library. 1925. Consultado o 2013-10-25. 

Véxase tamén editar

Ligazóns externas editar