Tribunal Constitucional de Andorra

órgano constitucional de Andorra

O Tribunal Constitucional de Andorra é o órgano xurisdicional encargado de interpretar a constitución e exercer o control de constitucionalidade do Principado de Andorra. Intégrase por catro maxistrados e a súa sede está en Andorra la Vella.

Tribunal Constitucional de Andorra
Sede do Tribunal Constitucional de Andorra
Tipotribunal constitucional
Data de fundación1993
Presidente/aDominique Rousseau (pt) Traducir (2018-) Editar o valor em Wikidata
SedeAndorra la Vella
EnAndorra la Vella
PaísAndorra
42°30′24″N 1°31′14″L / 42.5067261, 1.5206255
Na rede
https://www.tribunalconstitucional.ad/
editar datos en Wikidata ]

Competencias editar

Naceu ao abeiro da aprobación da constitución andorrana de 1993. O título VIII da constitución e a Lei Cualificada do Tribunal Constitucional, aprobada nese mesmo ano polo Consello Xeral, supoñen os seus alicerces xurídicos. Segundo o artigo 98 da carta magna, o Tribunal Constitución é competente para:[1]

  • Determinar de inconstitucionalidade das leis, decretos ou do regulamento do Consello Xeral.
  • Facer os ditames previos sobre a constitucionalidade das leis e tratados internacionais.
  • Amparar os dereitos dos cidadáns.
  • Resolver os conflitos de competencia entre os copríncipes, o Consello Xeral, o goberno, o Consello Superior da Xustiza e os municipios (comuns, na denominación andorrana).

Composición editar

O Tribunal Constitucional de Andorra está conformado por catro maxistrados con mandatos de oitos anos, renovándose un cuarto dos seus membros con frecuencia bianual. Dous destes son nomeados polos copríncipes (cada un, cadanseu maxistrado) e outros dous polo Consello Xeral. É frecuente que as persoas designadas non teñan cidadanía do principado, aínda que a Lei Cualificada do Tribunal Constitucional confírelles o estatuto de nacionalidade durante o exercicio do cargo.[2] A presidencia do tribunal é rotatoria e cada dous anos correspóndelle exercela a un dos maxistrados. Unha vez entra unha causa no tribunal, faise un sorteo para determinar a cal maxistrado lle corresponde facer un relatorio que deberá ser posteriormente presentado ante o plenario para facer a sentenza.

Notas editar

  1. "Constitució d'Andorra" (PDF). Conferencia Iberoamericana de Justicia Constitucional (en catalán). Consultado o 18 de novembro de 2023. 
  2. Art. 11, Llei qualificada del Tribunal Constitucional. Butlletí Oficial del Principat d’Andorra Núm. 51 - any 5 - 28.9.1993

Véxase tamén editar

Outros artigos editar