Tresviso

Tresviso é un concello situado no extremo occidental da comunidade autónoma de Cantabria (España), na comarca de Liébana. É un dos máis pequenos de Cantabria, tanto por extensión como por poboación, tendo censados no 74 habitantes (INE 2011), e componse dun só núcleo. A localidade está situada a 907 metros de altitude e atópase a unha distancia de 91 quilómetros da capital cántabra, Santander.

Tresviso

Localización
43°15′30″N 4°40′00″O
Estado	España
Comunidade autónoma	Cantabria
Capital	Tresviso
Poboación
Poboación	58 (2023) (3,57 hab./km²)
Xeografía
Parte de	Mancomunidade de Liébana y Peñarrubia
Superficie	16,23 km²
Altitude	907 m
Comparte fronteira con	Cabrales Peñarrubia El Valle Baju de Peñamellera Peñamellera Alta Cillorigo de Liébana
Organización política
• Alcalde	Francisco Javier Campo Campo
Identificador descritivo
Código postal	33554
Fuso horario	UTC+01:00
Código INE	39088
Páxina web	tresviso.net

Limita polo norte con El Valle Altu de Peñamellera e El Valle Baju de Peñamellera (Asturias), polo sur con Cillórigo de Liébana, polo leste con Peñarrubia e polo oeste con Cabrales (Asturias).

Etimoloxía

O seu nome Tresviso provén da derivación montañesa tres-visu do latín trans visum, ou ben do tamén latín trans abyssum, "tralo abismo".

Xeografía

Acceso a Tresviso pola Senda de La Peña.

Tresviso áchase nun burato de paredes calcarias preto do Río Urdón. Limita, co Cantu la Jorcaúra e Las Ruyas, polo norte; El Cuetu, polo sur; os invernais de Prías e a senda de Urdón, polo leste; e a Loma de la Mesa, polo oeste.

Este municipio caracterízase polo illamento no que a comunicacións se refire. De feito, o único acceso por estrada que existe realízase desde a localidade asturiana de Sotres e é necesario cruzar o Jitu Escarandi.

Para os excursionistas, destacar a subida de 6 quilómetros pola senda de La Peña que separa Tresviso de Urdón. Nela sálvase un desnivel duns 825 metros a través dun tortuoso sendeiro cheo de curvas no que destaca o impoñente balcón de Pilatos, un miradoiro natural do Río Urdón en completa verticalidade cunha caída de máis de 600 metros.

Outra rota montañeira que pode facerse, desde Tresviso, é a ascensión ao Cuetu la Cerralosa, a 1.552 metros de altitude, así como outros cumios próximos: Cantu la Jorcaúra, Cuetu las Rubias e o Cantu Sulasfuentes.

Economía

Situado integramente no Parque Nacional dos Picos de Europa, Tresviso ten como principal actividade a gandaría de vacún, ovino e caprino, sendo o produto máis famoso o queixo picón de Tresviso. Tamén cabe destacar unha incipiente actividade turística. Este feito está freando lixeiramente a tendencia emigratoria que viña arrastrando Tresviso en particular e a zona en xeral. Un 30 % da poboación activa de Tresviso emprégase no sector primario, un 25 % na construción e un 45 % no sector terciario. Cabe destacar a inexistencia de actividade industrial no municipio.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2009
377	414	485	433	394	395	319	178	91	94	60	80

Fonte: INE

Administración

Eleccións municipais, 25 de maio de 2003 Partido Votos % Concelleiros PSOE 28 47,46 % 1 Alcalde electo: Francisco Javier Campo Campo (PSC-PSOE).

Eleccións municipais, 27 de maio de 2007 Partido Votos % Concelleiros PSOE 44 63,77 % 1 Alcalde electo: Francisco Javier Campo Campo (PSC-PSOE).

Festas

Celébrase a Festa do Ramo polo San Pedro, o 29 de xuño.

Véxase tamén

Bibliografía

• Adrados, M.Á.: «Ruta D-1. Tresviso. Visita (ascensión) a la aldea desde Urdón», en Picos de Europa, Ascensiones y travesías de dificultad moderada. ISBN 84-922363-3-7, páxinas 108-111.
• Obregón Goyarrola, F.: «39. Tresviso. Ascensión desde Urdón», en 50 rutas por las montañas de Cantabria. ISBN 84-87934-20-X, páxinas 216-220.
• Obregón Goyarrola, F.: «93. El Cuetu la Cerralosa (1559). Circuito-ascensión desde Tresviso», en Nuevas rutas por las montañas de Cantabria. ISBN 84-87934-36-6, páxinas 232-236

Ligazóns externas

• Rotas de subida a Tresviso (en castelán)