Telefónica Europe

O2
Tipo	Subsidiaria
Fundación	1985
Matriz	Telefónica
Localización	Slough, Inglaterra, Reino Unido
Persoas clave	Matthew Key, Chairman & Chief Executive Officer
Industria	Telecomunicacións
Produtos	Telefonía fixa, Telefonía móbil, provedor de servizos de Internet, televisión, fibra óptica
Na rede
	https://www.o2.co.uk/ e https://www.o2online.de/
	[ editar datos en Wikidata ]

Telefónica Europe plc é unha empresa de telecomunicacións europea, especializada en telefonía móbil. A compañía formaba parte anteriormente do grupo BT Group plc baixo o nome de BT Cellnet. En 2001 cambiou o seu nome a O₂. Foi comprada pola española Telefónica o 23 de xaneiro do 2006. A sede da compañía radica en Slough, Inglaterra. Os seus outras principais oficinas están en Bury, Glasgow, Leeds, e Preston Brook. Posúe uns 28 millóns de clientes repartidos polo Reino Unido, Alemaña e Irlanda. En 2005, a empresa comprou os dereitos de nome a Millennium Dome. Tamén posúe cota de mercado na República Checa e en Eslovaquia.

As orixes: Cellnet editar

Apareceu en 1985 Cellnet, como unha experiencia no sector das telecomunicacións de BT Group (British Telecom) ao 60% e de Securicor 40%. En 1993 comezou coas probas de servizos a través do sistema GSM

O₂ creouse en 2001 cando o BT Group abandonou o seu mercado na telefonía móbil como parte dunha reestruturación da empresa. BT Cellnet foi rebautizado como O₂ - baseándose no símbolo químico do osíxeno.

A entrada de Telefónica e o seu mercado editar

O mercado de Telefónica O₂ esténdese polo Reino Unido, República de Irlanda, Alemaña, Eslovaquia e a República Checa. Tamén opera telefonía fixa e móbil na Illa de Man. Nesta última é coñecida baixo os nomes Manx Pronto, para móbil con servizos 3G, e Manx Telecom para telefonía fixa. Alí posúe o monopolio. O₂ tamén operaba en Holanda, aínda que foron vendidos os seus servizos.

No Reino Unido, Telefónica O₂ opera nas frecuencias 900 MHz e 1800 MHz con servizos GSM e GPRS. Mantén unha cota de mercado dun 20-25%. Alí a súa rede 3G UMTS, que opera no espectro electromagnético dos 2100 MHz.

En Irlanda, O₂ forma parte de Esat Digifone 086, unha rede de GSM 900 creada en 1997. En 2005 posuía un 40% de cota de mercado. Tamén ten licenza UMTS neste país, e acaba de ser lanzada xunto á das súas competidores, Vodafone Ireland e 3 Ireland.

A facturación de Telefónica O₂ a 31 de marzo de 2005 foi de máis de 6,683 mil millóns de libras esterlinas.

Movistar O₂ destaca sobre todo pola súa posición estratéxica e a súa interrelación con outros servizos, ademais de formar parte da multinacional Telefónica .

Os clientes de Telefónica O₂ a 31 de decembro de 2005 eran de 15,981 millóns de abonados no Reino Unido, 9,769 millóns en Alemaña e 1,602 millóns en Irlanda. O seu número total de clientes, incluídas as outras filiais da compañía O₂, era de 27.4 millóns.^[1]