Teixeu de Ancares

Teixeu de Ancares (Tejedo de Ancares en castelán e oficialmente) é unha parroquia do concello leonés de Candín, na bisbarra do Bierzo. Segundo o INE en 2012 tiña 25 habitantes; do mesmo xeito ca os demais lugares do val do Ancares sufriu despoboamento pola emigración a áreas máis prosperas. A lingua que falan os habitantes de Teixeo de Ancares é un dialecto do galego chamado ancarés.

Teixeu de Ancares
Entrada a Teixeu de Ancares.
Concello	Candín
Provincia	León
Coordenadas	42°50′30″N 6°45′47″O
Poboación	25 hab. (2012)
[ editar datos en Wikidata ]

Patrimonio

A arquitectura é coma a das demais vilas dos Ancares: carázterizase pola cachotaría e a lousa. Teixeo de Ancares posúe unha ponte medieval á entrada, xunto o cal se levanta un vello muíño hidráulico tradicional recentemente restaurado.Tamén posúe un antigo forno tamén restaurado e unha igrexa de estilo tradicional ancarés.

Nos arredores atópase unha fervenza rodeada de castiñeiros centenarios que é a principal atracción. Tamén se acha nos arredores os restos dunha antiga ferraría que foi nos seus tempos tan famosa como a ferraría de Compludo ao sur do Bierzo. Preto da ferraría atópase a Ermida de Santa Madalena, a patroa.

Festas

A principal festa é a romaría á ermida de Santa Madalena que se celebra o último domingo de xullo.

Galería de imaxes

• 

  Contorna natural.

• 

  Casa tradicional.

• 

  Edificio con arquitectura tradicional.]

Véxase tamén

Outros artigos

• Candín
• Serra dos Ancares
• O Bierzo