Lucie Idlout
Lucie Idlout, nada como Tatanniq Lucie d'Argencourt en 1972/1973, é unha actriz, cantante e compositora inuk canadense orixinaria de Iqaluit, Nunavut. É filla de Leah Idlout-Paulson e neta de Joseph Idlout.
Biografía | |
---|---|
Nacemento | 1968 (55/56 anos) |
Datos persoais | |
País de nacionalidade | Canadá |
Grupo étnico | Inuit |
Actividade | |
Ocupación | cantante , compositora , actriz |
Xénero artístico | Música rock |
Instrumento | Voz |
Familia | |
Parentes | Joseph Idlout (avó materno) |
Traxectoria editar
Despois do lanzamento de varios EPs, o primeiro álbum de longa duración de Idlout, E5-770, My Mother's Name, saíu á rúa en 2004.[1] O título, unha homenaxe á súa nai, dirixiuse á escura historia do goberno canadense de identificar aos inuit por números no canto dos seus nomes. E5-770 foi o número que identificaba á súa nai. A política gobernamental foi instituída en 1944 pero estivo vixente dende 1941 até 1978. A súa canción "Birthday", do mesmo álbum, apareceu no filme Crime Spree de Dan Birman, protagonizado por Gérard Depardieu e Harvey Keitel.[2] Aínda que xa conseguira a atención nacional e internacional, cando abriu o concerto de The White Stripes na súa cidade natal de Iqaluit[2] o 27 de xuño de 2007 realmente conseguiu a atención dos medios.[3]
O seu segundo álbum, Swagger, lanzouse en febreiro de 2009.[2] O álbum inclúe "Lovely Irene", que despois foi reelaborada cun coro de nenos de Iqaluit e renomeada como "Angel Street". A canción inspirou a alcaldesa de Iqaluit Elisapee Sheutiapik a lanzar unha campaña para chamar a atención sobre o tema da violencia doméstica no Canadá pedindo ás cidades canadenses que nomeasen unha rúa da súa cidade como Angel.[4] A partir de 2014, as cidades que chamaron Angel Streets as súas rúas como parte da campaña incluían Iqaluit, St. John's, Edmonton, Regina, Fredericton, Yellowknife e Kamloops.[5]
No outono de 2009, gravou unha nova canción, "Road to Nowhere", para a Great Canadian Song Quest en CBC Radio 2. Dende entón escribiu a banda sonora para o filme do recoñecido cineasta Zacharias Kunuk Inuit Knowledge and Climate Change, así como música para varios programas de televisión. En 2012, Idlout actuou como unha cantante de gorxa lésbica en Arctic Air da CBC.
O cineasta Shane Belcourt tamén citou a Idlout, unha amiga achegada da súa irmá Christi, como unha influencia nos temas do filme de 2007 Tkaronto.[6]
En 2017, apareceu no filme documental de Alan Zweig There Is a House Here.[7]
Discografía editar
Notas editar
- ↑ 1,0 1,1 1,2 "Lucie Idlout Bio". Arquivado dende o orixinal o 2011-07-14.
- ↑ 2,0 2,1 2,2 Rayner, Ben (19 de febreiro de 2009). "Music Lucie Idlout: true grit from Canada's far north Tough singer toned down the fire for a more accessible second CD". The Star (Toronto). Consultado o 2009-10-03.
- ↑ Ben Rayner, "Canada's coolest? A rock writer chasing White Stripes discovers lots of other colour" Arquivado 2008-12-03 en Wayback Machine., Toronto Star, 1 de xullo de 2007.
- ↑ Jason MacNeil, Modelo:Usurped. Jam!, 20 de febreiro de 2009.
- ↑ Peter Varga, "Former Iqaluit mayor promises to revive Angel Street anti-violence campaign". Nunatsiaq News, 17 de outubro de 2014.
- ↑ Jennie Punter, "'I didn't have time to filter': A Métis filmmaker reveals the inspiration for his impressive debut feature" Arquivado 2008-11-21 en Wayback Machine., The Globe and Mail, 14 de agosto de 2008.
- ↑ "Trailer for Alan Zweig’s TIFF-bound ‘There is a House Here’". POV, 15 de agosto de 2017.