Talavera Fútbol Sala
O Talavera Fútbol Sala, coñecido por motivos de patrocinio como OID Talavera, é un equipo de fútbol sala da localidade de Talavera de la Reina, Toledo (Castela-A Mancha). Dende a tempada 2010-11 compite na División de Honra da Liga Nacional de Fútbol Sala.
| OID Talavera | |||
|---|---|---|---|
| Nome | Talavera Fútbol Sala | ||
| Fundación | 1990 | ||
| Estadio | Primero de Mayo Talavera de la Reina, España  | ||
| Capacidade | 3.000 | ||
| Presidente | Benjamín Ramos | ||
| Adestrador | Carlos Sánchez | ||
| Liga | División de Honra (LNFS) | ||
| 2010-11 | 12º (liga regular) | ||
| Vestimenta | Royal | ||
| Patrocinador | OID | ||
| Na rede | |||
| http://www.talaverafs.com/p | |||
| |||
O club foi fundado en 1990 e herdou a estrutura do Castilla-La Mancha Fútbol Sala (campión de Liga en 1992 e 1997) cando desapareceu no ano 2000. O novo club estivo dirixido dende aquela por un grupo de empresarios locais.
Historia
editarO Talavera Fútbol Sala foi fundado en 1990 e comezou a xogar en Primeira Nacional "B", daquela terceira categoría do fútbol sala español. O equipo logrou o seu ascenso a Primeira Nacional "A" na tempada 1991-92, categoría na que permaneceu ata 1999. En 1995 produciuse a chegada do Castilla-La Mancha Fútbol Sala de Toledo a Talavera de la Reina, e dende esa tempada o Talavera FS se converteu no seu filial.[1]
Cando o Castilla-La Mancha FS desapareceu no 2000, o Talavera Fútbol Sala independizouse. O equipo partiu dende Primeira Nacional "B" xestionado por un grupo de empresarios de Talavera, na tempada 2001-02 ascendeu a Primeira "A", e dous anos despois certificou o seu ascenso á División de Prata, cun proxecto que buscaba devolver á cidade á máxima categoría do fútbol sala. Logo de sete tempadas, na tempada 2009-10, o equipo finalizou na primeira posición do Grupo I e conseguiu ascender a División de Honra tras vencer ao Fisiomedia Manacor.[2]
Na súa primeira tempada na División de Honra o máximo accionista do club, Benjamín Ramos, prescindiu do modelo empresarial empregado ata aquela, logo de que marcharan os catro membros da Xunta Xestora do club por desavinzas coa xestión.[3] A Organización Impulsora del Discapacitado (OID) converteuse no patrocinador no ano 2010.[4]
Notas
editar- ↑ "Arquivo do Talavera FS". Arquivado dende o orixinal o 02 de marzo de 2008. Consultado o 02 de marzo de 2008.
- ↑ O Talavera Fútbol Sala ascende a División de Honra ABC, 16 de maio de 2010
- ↑ Adeus á xestión 'modelo' Deportes Talavera, xuño do 2010
- ↑ A OID, novo e sorprendente patrocinador do Talavera