TRS 1
TRS 1 (Tetrahedron Research Satellite 1), tamén denominado ERS 2, foi un satélite artificial estadounidense lanzado o 17 de setembro de 1962 mediante un foguete Atlas-Agena B desde a Base Vandenberg da Forza Aérea.[2][5]
| TRS 1 / ERS 2 | |
|---|---|
| Tipo | Tecnolóxico |
| Destino actual | Reentrado na atmosfera.[1] |
| Data de lanzamento | 17 de setembro de 1962, 23:46 GMT[1][2][3][4] |
| Foguete portador | Atlas-Agena B[2][5] |
| Sitio de lanzamento | Base Vandenberg da Forza Aérea[2] |
| Obxectivo da misión | Desenvolvemento de tecnoloxía militar e estudo do medio ambiente espacial.[2] |
| Decaemento | 19 de novembro de 1962[1] |
| NSSDC ID | 1962-046A |
| Masa | 0,6 kg[6][7] |
Características editar
TRS 1 foi o primeiro membro da familia de satélites ERS (Environmental Research Satellites), pequenos satélites lanzados como carga secundaria xunto satélites máis grandes para facer probas tecnolóxicas e estudos do contorno espacial. TRS 1 ía acoplado ó satélite de recoñecemento KH-4 12, e aínda que o lanzamento tivo éxito, TRS 1 non se desacoplou do satélite principal. A súa misión consistía na observación do cinto de radiación terrestre tras a proba nuclear espacial Starfish Prime que tivo lugar o 9 de xullo de 1962 sobre a illa Johnston, e o estudo da radiación nas células solares. Foi inxectado nunha órbita inicial de 616,6 km de apoxeo e 199 km de perixeo, cunha inclinación orbital de 81,85 graos e un período de 92,8 minutos. Reentrou na atmosfera o 19 de novembro de 1962.[1][2][3][6][7]
Notas editar
- ↑ 1,0 1,1 1,2 1,3 N2YO (2011). Real Time Satellite Tracking, ed. "FTV 1133/ERS 2" (en inglés). Consultado o 2 de xaneiro de 2013.
- ↑ 2,0 2,1 2,2 2,3 2,4 2,5 NASA (14 de maio de 2012). "ERS 2" (en inglés). Arquivado dende o orixinal o 23 de outubro de 2012. Consultado o 2 de xaneiro de 2013.
- ↑ 3,0 3,1 "Letter dated 3 December 1962 from the Permanent Representative of the United States of America addressed to the Acting Secretary-General" (62-27919). 4 de decembro de 1962: 2. Arquivado dende o orixinal (PDF) o 19 de maio de 2005. Consultado o 2 de xaneiro de 2013.
- ↑ Claude Lafleur (2010). "TRS 1 / ERS 1" (en inglés). Consultado o 2 de xaneiro de 2013.
- ↑ 5,0 5,1 Gunter Dirk Krebs (2011). Gunter's Space Page, ed. "TRS Mk. 1 (ERS)" (en inglés). Consultado o 2 de xaneiro de 2013.
- ↑ 6,0 6,1 Mark Wade (2011). "ERS" (en inglés). Consultado o 2 de xaneiro de 2013.
- ↑ 7,0 7,1 Jos Heyman (2005). "ERS" (en inglés). Consultado o 2 de xaneiro de 2013.