Subdivisións de Alxeria

Alxeria divídese actualmente en 48 vilaias, 553 dairas (sorte de comarcas) e 1.541 baladías (ou concellos). A capital e a cidade máis grande de cada vilaia, daira e baladía alxerianas teñen sempre o mesmo nome que a vilaia, a daira ou a baladía onde está situadas. De igual forma aplícase para a daira máis grande da vilaia ou a baladía máis grande da daira.

As vilaias

Segundo a constitución alxeriana, unha vilaia é unha "colectividade territorial" que goza de certa liberdade económica. A Assemblée Populaire Wilayale (APW, ou Parlamento Popular da Vilaia, é a entidade política que rexe unha provincia. Un "valín" (prefecto) dirixe cada vilaia. Esta persoa elíxea o presidente de Alxeria para tomar as decisións da APW. A APW ten tamén un presidente, que o elixen os seus membros.

As divisións administrativas cambiaron varias veces desde a independencia da nación. Ao agregar novas vilaias, a numeración das vellas mantívose, de aí que a orde actual non sexa alfabética. Coa súa ordenación numérica oficial, (desde 1983) actualmente hai as seguintes:

Mapa das vilaias de Alxeria numeradas de acordo á orde oficial.

1 Adrar 2 Chlef 3 Laghouat 4 Oum el-Bouaghi 5 Batna 6 Béjaïa 7 Biskra 8 Béchar 9 Blida 10 Bouira 11 Tamanrasset 12 Tébessa 13 Tlemcen 14 Tiaret 15 Tizi Ouzou 16 Alxer 17 Djelfa 18 Jijel 19 Sétif 20 Saïda 21 Skikda 22 Sidi Bel Abbes 23 Annaba 24 Guelma

25 Constantina 26 Médéa 27 Mostaganem 28 M'Sila 29 Mascara 30 Ouargla 31 Orán 32 El Bayadh 33 Illizi 34 Bordj Bou Arréridj 35 Boumerdès 36 El Taref 37 Tinduf 38 Tissemsilt 39 El Oued 40 Khenchela 41 Souk Ahras 42 Tipasa 43 Mila 44 Aïn Defla 45 Naama 46 Aïn Témouchent 47 Ghardaïa 48 Relizane