Skathi (lúa)
Skathi ou Saturno XXVII, é unha pequena lúa de Saturno. Foi descuberta por Brett Gladman, Kavelaars, e o seu equipo no ano 2000, e déuselle a designación temporal de S/2000 S 8.[1][2] Skathi ten uns 6,4 kms de diámetro, e orbita Saturno a unha distancia media de 15,576 millóns de kms en 725,784 días, ten un movemento retrogrado, cunha inclinación orbital de 149° respecto da eclíptica (150° respecto do ecuador de Saturno) e unha excentricidade orbital de 0,246.
O nome que recibe pola meirande parte das fontes é Skadi. Este foi o nome orixinalmente anunciado no ano 2003[3]; pero o grupo de traballo para a Sistema de Nomenclatura Planetaria da UAI (WGPSN) decidiría máis tarde (no 2005) usar unha transliteración alternativa da pronunciación do termo nórdico[4]. A pronunciación clásica é Skaði, coa letra Ð (eth), e a forma orixinal do termo era unha aproximación gráfica a Skadi. O nome procede da mitoloxía nórdica, onde Skaði era unha jotum (xigante), muller do deus vanir (grupo de deuses), Niord.
Skathi podería terse formado a partir de cascallos resultantes dos impactos de meteoritos sobre Phoebe nalgún momento do pasado remoto da historia do Sistema Solar.
Notas
editar- ↑ IAUC 7538: S/2000 S 7, S/2000 S 8, S/2000 S 9 Arquivado 28 de abril de 2006 en Wayback Machine. 7 de decembro do 2000 (descubrimento)
- ↑ MPEC 2000-Y15: S/2000 S 1, S/2000 S 2, S/2000 S 7, S/2000 S 8, S/2000 S 9 19 de decembro do 2000 (descubrimento e efemérides)
- ↑ IAUC 8177: Satellites of Jupiter, Saturn, Uranus Arquivado 09 de xullo de 2008 en Wayback Machine. 8 de agosto do 2003 (bautizo da lúa)
- ↑ IAUC 8471: Satellites of Saturn 21 de xaneiro do 2005 (bautizo da lúa)
Véxase tamén
editarOutros artigos
editar