Silverchair

Silverchair foi unha banda australiana de rock alternativo. O grupo formouse co nome Innocent Criminals en Merewether, Newcastle, Australia no ano 1992, co vocalista e guitarrista Daniel Johns, o baixista Chris Joannou e o batería Ben Gillies. Silverchair tivo moito éxito no seu país de orixe, gañando os principais premios da industria musical australiana, os ARIA Awards, 21 veces. A banda tamén recibiu seis APRA Awards.

Silverchair
Orixe	Newcastle, Australia
Período	1992 - 2011
Xénero(s)	rock alternativo, pop rock, grunge
Selo(s) discográfico(s)	Murmur, Epic, Eleven
Membros	Daniel Johns Chris Joannou Ben Gillies Tobin Finnane
Artistas relacionados	The Dissociatives, The Mess, Hall, Tambalane, Powderfinger, Van Dyke Parks, Dreams
Na rede
http://www.chairpage.com/

A súa popularidade comezou a mediados de 1994 cando gañaron un concurso nacional de demos organizado por un programa de televisión e a radio Triple J. A banda asinou pouco despois un contrato con Murmur, e fixéronse coñecidos na escena rock de todo o mundo. No ano 2003, despois da edición de Diorama, a banda anunciou un hiato, durante o cal os seus membros gravaron cos seus proxectos paralelos, The Dissociatives, The Mess Hall e Tambalane. Silverchair reuniuse no 2005 para os concertos Wave Aid, editou Young Modern no 2007 e realizou a xira Across the Great Divide con Powderfinger. Ata a data a banda vendeu ao redor dos 6 millóns de discos.

Discografía

Álbum	Ano	Selo
Frogstomp	1995	Murmur Records
Freak Show	1997	Murmur Records
Neon Ballroom	1999	Sony, Murmur
Diorama	2002	Atlantic/Eleven
Young Modern	2007	Atlantic/Eleven

Véxase tamén

Ligazóns externas

• Páxina oficial Arquivado 27 de febreiro de 2010 en Wayback Machine.